发信人: gamba(VR射手修炼中)
整理人: kobayakawa(2002-03-02 13:01:26), 站内信件
|
自买咗第一只正版之后，我好辛苦咁买咗第二只碟，就系友板理惠只《UN》。因为我都觉得只碟好适合我呢D初哥听，而且当时友坂作为一名偶像亦比较红，所以情愿买过只正版。而且只正版碟系可以放入电脑到睇，呢种功能真系几过瘾。
接住就系另一只重要嘅CD，松隆子嘅《空之镜》
我认识松隆子系从睇《偶像频道》关于佢嘅介绍所认识嘅。因当时日剧好受欢迎，特别系长假呢一出戏。而长假里面做配角嘅松隆子亦演得好出色，受到好多人称赞。松隆子利用自己优异嘅演技同可爱嘅面孔受到好多嘅欢迎，特别系香港。当然，我亦唔例外。一位咁靓嘅女孩子，好容易就会使我晕到了。而且听讲佢又识唱歌又识弹琴，真系羡慕到不得了。其实仲有一个原因嘅，就系因为原来佢都识唱歌仲拿出咗张CD添。自此，搞到我不得不要去再次储钱买碟了。
当我再次去到HMV买呢张碟嗰阵，俾我见到佢嗰张《I STAND ALONE》嘅原装海报。真系羡慕死我咯，对于当时嘅我来讲，又咪得个‘恨’字，真系唔同抢咗返屋企咩。
‘当红演员出唱片’，就系呢张唱片俾一般人嘅印象。但并不合乎我对松隆子出道大碟《空之镜》俾我嘅印象。虽然，通过好多杂志介绍过呢张大碟，亦讲过系出呢张大碟时嘅相关背景。我开始亦觉得呢张大碟就系一张利用当红时候而制作的CD。但，当我买了这张CD回家，再放落CD机到播嗰阵，慢慢就会发觉原来同之前所讲系咁大相径庭嘅。我听碟系要多听几次，咁先得嘅，所以，等我将CD里面嘅歌熟悉之后，就发现很多歌都是朗朗上口，原来松隆子嘅歌系咁令人听咗之后印象深刻，在加上佢本身柔和嘅音色，听佢嘅歌，简直就系超值。你冇办法唔欣赏佢美妙嘅歌声。虽然佢唔系唱歌能手，但利用歌曲本身动人嘅旋律唱出大碟里面中板节奏嘅情歌，你听咗之后亦会中意上佢。大碟嘅歌咁令人难忘，当然就离不开日向大介嘅帮忙。似乎松隆子真系识得揾人做监制。日向大介嘅音乐真系好适合于松隆子。优美嘅旋律，就同松隆子嘅个人形象一样，显得格外动人。流畅活泼嘅《明日春来了》，温柔嘅《WIND SONG》，独立自主感觉嘅《I STAND ALONE》，都一模一样咁表现松隆子嘅每一面，直头系写照。差不多同小室于华原作曲咁。一张大碟可以反映出一位歌手嘅形象与性格，所以，呢张大碟真系张完全掂嘅CD。另一方面，松隆子已经从呢张大碟开始进行自主嘅创作。写咗两首歌词，并系大碟里面亲自弹上一段钢琴。可见，系第一张大碟已经将佢嘅创作欲望表露出来了，更唔使讲佢以后嘅作品了。
《空之镜》亦都算系张IDOL大碟，佢使我感到松隆子作为一个偶像，真系有实力啦。衣家都有好多人中意佢，就可以佢嘅吸引力有几大了。好多人并不净止睇样，而系因为松隆子温柔嘅歌声与歌曲，使大家都俾佢迷住了。
到另一个嘅CD，就系PUFFY嘅《JET CD》同《SOLOSOLO》啦。
PUFFY系因为一个好偶然嘅机会变成一对组合。亚美同由美都系因参加歌唱比赛被选中而进入歌唱事业。我亦好中意佢地两个双妹麦，实在抵死。如果大家有睇过佢地嘅VCD亦会受佢地感染到。PUFFY嘅成功好大程度上亦系得益于奥田民生。奥田所创作嘅音乐就系为PUFFY而度身订造。因为佢要去营造一种新嘅感觉，系有别于一般IDOL。所以系《JET CD》里面嘅PUFFY就非常受大众欢迎，销量当然唔错。系《JET CD》里面嘅作家都系强手，井上阳水，草野正宗，奥居香等，多位大师级嘅人马作曲，肯定有返咁上下。当然，一张CD能够有咁多高手戏里面，亦系因为奥田嘅名气。里面首首歌都系经典。引用人地碟评：‘《爱的记号》表现了什么叫短小精悍，越短的歌曲越能睇出作曲者嘅造诣。井上嘅《CAKE IS LOVE》的那种对文学嘅全情投入，文字的巧妙运用，亦只有高手才能做到。奥居的《春之潮》亦系首温文尔雅嘅歌曲，奥田嘅歌亦流露这UNICORN时代的音乐。’睇过人地嘅介绍，当你去听听呢只CD，你亦会觉得PUFFY嘅音乐绝对系有着另一种韵味。但PUFFY最终亦做不到奥田民生所想嘅境界，始终系俾人一种烂噠噠嘅感觉，而唔系一种阔达嘅FEEL。而《SOLOSOLO》就系奥田嘅结晶。虽然系分开两张CD，作为亚美同由美嘅SOLO，但亦可以听得出奥田民生嘅音乐系几咁值得大家去听一听。
其实仲想介绍酒井两张大碟，但嗰两张大碟反而系我所买过嘅酒井咁多大碟之中唯一嘅两只。原因好简单，因为通过认识到更多音乐之后，你就会发现以前所听嘅系完全唔够。并唔系话酒井嘅大碟唔好，而系有更多更好嘅CD系后面呀。
|
|