发信人: gamba(广州三船敏)
整理人: txstang(2002-02-09 20:49:10), 站内信件
|
初中时常去街室打机，主要都系为咗玩街霸。不过，有一日当《侍魂2-霸王丸地狱变》呢只游戏系我面前出现之后，街霸已经唔系我嘅首选了。
虽然以前曾经玩过《侍魂1》，但仍旧觉得佢唔多好玩，好希望SNK出过第二代。结果，SNK并冇让我失望。出咗一只我呢世人最欣赏嘅格斗游戏。《侍魂2-霸王丸地狱变》系画面上当然俾一代优胜，而且造型更加美。主要系因为佢采取咗漫画式嘅造型，而画功方面做得更好，使人物画得很简洁，色彩配合合理，明亮。音乐方面更系冇得弹，各个人物都有特定音乐，且很配合人物造型和意境。可以说，SNK能利用咗一个游戏反映出一种文化背景，正是SNK嘅犀利之处。其实我主要想讲就系《侍魂2-霸王丸地狱变》里面嘅人物正是我真正喜欢日本文化的原因。
虽然游戏是用来玩，不过我却对游戏里面嘅故事同埋背景起咗兴趣。霸王丸就是首先引起我注意嘎啦。佢具有典型嘅日本武仕风格，佢系不羁当中带有一点对俗世嘅讥讽，更慢慢地体现到佢有一种豪气系里面。我好中意轻刀嘅使用，系出手快嘅同时并能点到即止，时常运用更利于牵制对手；霸王丸嘅中刀就好似佢对世事嘢讽刺一样，一针见血，又快又准，容易使用；重刀就更系佢嘅标志性动作，正是霸王丸豪气嘅所在，抓住对手嘅弱点或空隙，给予对手致命嘅一击。刀，本来就系武仕嘅灵魂。能够对刀灵活地运用，正是游戏精髓所在。
另一方面，音乐亦系我最欣赏嘅地方。或许我对一代嘅音乐并不熟悉，这样一来反而觉得二代嘅音乐更出色。为咗能够很好地进行表现，每个角色都有各自嘅音乐同场景。这样的话就会用更多音乐来进行配乐。娜可露露嘅特点就系活泼可爱，造型就系一个爱护大自然嘅人。因此，背景音乐就变得很舒服，使人就象在大自然里面一样；服部半藏系一名忍者，背景音乐就当然系配合其身份了，在乱葬岗的场景，陪上用日本特有的萧类乐器吹奏嘅音乐，使你所感受到嘅，就系服部半藏所带有嘅嗰种日本忍者特有嘅神秘感同埋一种悲凄。右京嘅音乐更系为咗佢嘅嗰种失落，悲哀嘅造型而设。其实还有更多例子，亦可以听听原声大碟，如果玩过此游戏，就一定会俾嗰种出色嘅陪乐所吸引。所感到嘅不但系日本人对配乐嘅重视，而且更能表现出日本文化的深厚韵味。
我对《侍魂2-霸王丸地狱变》嘅喜爱，慢慢转变成为对日本文化嘅认同，自然就使我对其历史多加留意了。而日本战国时代嘅历史更系我最欣赏嘅一段。
认识日本战国历史，源于两方面。一就系从睇关于日本嘅历史书中了解到。二就系从游戏方面了解到。主要都系从游戏方面对我影响最大。因自己对日本文化嘅关注，所以当玩到关于日本战国游戏
嘅时候，就会很用心。自己第一次接触关于日本战国嘅游戏，系一个同学玩超任嗰阵见到嘅。当然就系嗰个最出名嘅《信长之野望》系列了。见到佢地玩嗰阵，我已经着迷了。当我得知呢类游戏系世嘉MD机都有嗰阵，都不知几开心，立刻抛开唔玩三国志嘅游戏了，向呢类游戏进发。
通过长时间嘅锻炼，不但对游戏了如指掌，更加深咗对日本历史嘅了解。就好似以前对三国历史一样。沉迷落去了。所以系初中时代，除咗三国系列，就到信长系列最玩得多了。差不多家里的游戏机就系为了玩呢类SLG游戏而买的。当然，除信长系列之外，仲有一只游戏我最中意嘅，就系《太阁立志传》系列了。
到咗96年，家里添置咗一台电脑，话就话系用来学习电脑，其实又咪系拿黎玩游戏。而《太阁立志传2》就系我部电脑玩得最多嘅游戏。开始嘅时候我亦玩过一代，不过照样系觉得佢画质差，虽然游戏嘅意念好，之但系好多地方设定得唔够合理，所以并非我所喜好嘅游戏。不过玩咗《太阁立志传2》之后就大大改观了。开始嘅时候我并唔识玩，因为全部都系日文，差不多句句都要靠睇汉字估意思，好彩日文多汉字，如果唔系就真系几难睇得到。为咗玩叻D，我请教同学，问吓呢嗰游戏究竟系点玩嘅，有乜目的。我同学亦一边讲一边电话教路，教到我识为止。当我明白游戏点玩嗰阵，亦明白咗好多日本战国历史，并觉得呢嗰游戏越来越有内涵，自自然然就迷上咗了。
我亦唔多介绍呢只游戏，不过如果有人中意玩，可以问一吓我，因为呢只游戏我差不多就系一本功略，想点玩都得。其实《太阁立志传》就系一只提高咗我对日本历史嘅认识，加深咗我对日本文化嘅了解，并教会咗我好多做人道理嘅游戏。
游戏本来就系模拟一个人嘅一生，所以里面好多嘢都好接近现实。例如每个月嘅评定，执行任务，等等，都系亲力亲为嘅，游戏尽量做到接近历史，接近真实，使玩者亦能体会到丰臣秀吉嘅历史。由于整嗰游戏都系关于日本，并系使自己代入一个角色，因此使我觉得自己就好似游戏里面嗰个秀吉一样。每去做一件事，每去完成一个任务，都好似自己亲身经历一样。虽然对白系日文，当时我都睇唔明，不过我亦能感受到历史就在眼前，仍然感到人情冷暖，感到做人就要为咗适应社会，自己进行增值，最终才有出头之日。游戏里面嘅人物造型，故事情节等等，都系按照历史去编排，不过亦要睇你自己嘅能力去到边到，如果实在差，就多会GAME OVER嘎啦。当然如果玩得好，就一定可以改变历史，并演变出好多种结局。
我从游戏里面得到对日本文化嘅认识和了解，仍然系局限于过去嘅东西，都系现实并不存在嘅，为咗真正地了解日本文化内在嘅嘢，我决定去学少少日文，起码见到五十音都要识读呀嘛。
97年我学第一次接触日文，并第一次注意日本音乐，并慢慢变成一个只听日文歌嘅人，究竟点？下次再讲 |
|