发信人: gamba(广州三船敏)
整理人: siren(2002-02-08 00:41:38), 站内信件
|
上次讲到我好中意关于二战嘅嘢，的确，我地可以从二战里面学到好多嘢。一方面可以睇到战争嘅残酷，另一方面可以睇到人类嘅智慧是几咁厉害，对于战略嘅运用又系几犀利，更重要嘅系我地从战争里面学到人类失败嘅教训，从而避免了以后更多嘅错误。
之不过，正因为战争嘅历史对于我来讲实在系好重要，并非我喜欢战争，而是喜欢这些历史所带给我的信息。我就可以从这些信息里面学习到更多的知识，明白到更多的道理。
到了初中以后，因为要学习比小学更深入嘅历史，所以使自己更能明白到历史对将来嘅影响，为自己以后嘅成长打下更坚实嘅基础。
很多人都喜欢三国志里面嘅故事，所以我都唔例外。对于这段历史很多人都很喜欢，很多人都明白。我同时为了更好地学习到三国里面嘅知识，买咗好多书，亦睇咗好多评论，差不多读三国嘅历史就成为我要考嘅一科咁样。因此会有很多人喜欢玩三国志的游戏。当中以《霸王之大陆》最为出名。呢只有游戏都应该唔使介绍了呱。
FC嘅最著名游戏之一。呢嗰游戏究竟点好玩都应该唔使我讲了，玩过都知道。我曾经为咗玩呢只游戏，一日冇瞓过觉。当然系辛苦啦，不过就终于打爆机了。因为当时呢饼带并冇记忆系统，所以系唔能够记忆，所以为咗爆机，辛苦一日都要了。记得当初玩呢只游戏嗰阵，好辛苦先揾到嗰本手抄嘅中日文对照表。游戏里面都系日文，冇呢本嘢都唔知道嗰D命令究竟系讲乜。更重要系呢本对照表里面有一个如何去揾人嘅功略。唔好睇少呢嗰功略呀，好重要呀。呢嗰游戏最主要就系叻人，越多叻人当然就更好玩了。特别系孔明几时出呀，系边到出呀，对于一个玩者来讲非常重要。虽然，如果当自己已经成为一个高手之后，呢样已经唔系一个问题了。为咗要了解一下究竟呢嗰游戏里面有几多人叻人值得用，情愿打爆机之后唔去占领城池，空咗佢，等佢冇得爆机先，好让我慢慢让时间过去，慢慢揾吓仲有D乜人出。当时曾揾过钟会，邓艾之流，因为佢地系三国后期都算叫做最犀利嘎啦。虽然游戏里面相对之前嗰D人物佢地唔多犀利，不过都算好嘎啦，揾到佢地嗰阵都唔知道几兴奋，成晚瞓唔着嘎。有时揾到一D犀利嘅人就抄抵系本功略到，久而久之就越抄越多，而且又成日要用本功略，搞到本功略好残，茸茸烂烂咁。因此，我决定将嗰本功略从新写过本。
当然啦，要从新写过本都几筛时间嘎。所以又要放弃一D学习时间了。因此我读书当然就唔多掂啦，尤其系代数，成日都唔合格嘅。对于我来讲当然唔希望又走返砌模型嗰条旧路啦，又冇得玩《霸王大陆》咁仲得了嘅？为咗唔影响学习，又可以揾时间写过本功略，我就瘾痛星期一至五都唔掂游戏机，等到星期六日开工。因为当时刚开始双休日，不过到咗初中就未有，得长短周，所以每到长嗰个星期就系我开工之时。
由于过年之后有钱买过饼带，只游戏就可以记忆，才得以一个星期玩一镬。亦有利于写功略。经过几个星期嘅辛苦努力之后，终于将玩《霸王大陆》嘅心得体会写成一本功略。虽然当时亦有好多人中意玩呢只游戏，并声称好高手，亦都写埋功略添，不过对于我来讲，嗰D都系多余嘅，我仍然觉得自己所写嘅最好，因为我已经熟悉呢只游戏。差不多我部FC就系拿来玩呢只游戏嘅啫，不过仲有九人街霸。
有本叫《电子游戏软件》嘅杂志，应该好多人都知道。里面期期都人有吹可以好快爆机，不过都系吹，似乎唔多合实际。要明白，一只SLG游戏系唔可以用斗快爆机来评论你嘅水平。其实要快爆机边嗰都得，我写个本功略到都写过，可以讲用咗刘备，就一定可以系190年之前爆到机。就算系几多级难度都系一样。因为只游戏设计得比较怪，电脑将所控制嘅国家多数系189年唔会去进攻其他人。可能系FC游戏机比价低级，电脑AI唔够高，对于人脑来讲可以讲系有D弱智。所以，对于一个玩者来讲，能够灵活运用战术，合理运用计谋，先能够叫做一个高手。
好多人都中意用秘技教金，因为会有9999金同米，不过，呢D嘢系唔带得走嘅，如果对于刘备来讲简直就系多余。我自己比较中意用刘备，因为佢比较有难度，历史上佢嘅手下都系唔同嘅城，要揾齐比较困难，而且又可以周围走，因为得三嗰人，打到边，住到边。唔似曹操，孙策，地盘固定，难度较底。一个游戏就当然系有挑战性先至好玩。如果成日都停留系一个阶段，唔去接受新嘅挑战，咁样玩黎都冇用，做人亦一样，甘于现状，唔去努力地寻求新的机遇，接受新的挑战，人就会慢慢落后于社会，因为社会系不断进步。
当然，呢只游戏仲有一招就矛嘅就系读书。系人都知道读书有咩好处啦，不但唔使咁容易中计，又可以用更多计，都唔知几好呀。当中以此为85智力以上最好，因为85比84智力多咗两条计。所以，为咗一定要读到85，我地可以利用咗D/L大法，可以讲系最矛嘅一招。不过亦有遗憾，就系74智力嘅就一定唔可能读到85，因为当智力到达50之后，就冇可能读到5，最小都系6。因为79都有得读，所以对于玩者来讲，74就讲明咗系一个死数，点读都冇用了。不过，对于来两讲就一定有办法啦，就系将嗰个人俾咗电脑去读。即系投降俾电脑，等点脑帮佢读咯。系难度三级嘅情况下，电脑将一个人嘅智力提升到90都唔出奇，因为佢系电脑呀嘛。人就一定唔得嘎啦。当电脑将嗰个人读到79，有或者有85之时，我就去功打电脑，降返嗰个人返来。虽然系麻烦咗D，不过有叻人就唔好筛呀。最明显就系张任了。佢就系74智力嘅，如果唔用呢嗰方法，就分明系放弃咗一个好人咯。其实最筛就系关羽同张辽了。两条友智力都系84哦，哎，都唔知道拿佢地来做乜，关羽都好D，武力高，张辽就真系，，，，哎，冇嘢讲了。
虽然从游戏里面得到嘅可能亦只有快乐，但是对于自己来讲最好嘅就系能够满足自己对三国嗰段历史嘅渴求。可见一只游戏是否能够使玩者玩得开心，好大程度就系睇开发商嘅能力了。所以南梦宫就做得好好了。不过，日本亦有好多出名嘅游戏商，CAPCOM就系其中一个。
当我认识CAPCOM之时，正式街霸流行之时。大家都应该知道街霸（Street Fighter)系列以前系几咁流行，差不多间间机室都会有。就好似衣家间间都有KOF系列咁。SF系列游戏，我最欣赏就系12人街。差唔多成嗰初中时期玩得最多嘅游戏除咗《霸王大陆》就到12人街了。玩得SF，就当然会去抽机了。当时，对于我最大嘅影响，莫过于抽人机。我系抽机当中，得到嘅并非对游戏当中嘅快感，最主要系我第一次亲身经历过人于人之间嘅斗争原来系几咁残酷，而且为咗避免失败，自己会去努力学习更多技巧嘅嘢。可以讲仲勤力过读书。
虽然《霸王大陆》同SF系列对我嘅成长俾咗一好大嘅启示我，不过对于我认识日本文化亦只不过系一点皮毛，所认识到嘅亦只是日本文化里面最表面化的东西，仲未深入到实际嘅东西，还未形成我对日本文化嘅深厚感情。如果讲小学中意日本系一种机遇或天生的喜好，那么中学时代我之所喜欢日本亦只是源于自己爱玩嘅心态和对佢地嘅佩服，真正地能够喜欢上日本文化，应该系我中意《侍魂2-霸王丸地狱变》呢只游戏同埋认识日本战国时代之后了。
我系如何玩上《侍魂2-霸王丸地狱变》同埋认识到日本战国呢段历史嘅呢？下次再讲。。
|
|