发信人: gamba(广州三船敏)
整理人: txstang(2002-01-31 09:20:23), 站内信件
|
| 好耐冇去行街买碟啦~今日一于去咗广州大少碟档~咩嘢打口碟呀，正版碟呀，大少通杀~亦帮趁咗唔少啦~荷包亦相继缩小~遗憾呀~首先进驻海印等档，拿咗只Hyde只新细碟，哎~好贵呀，咁样又先冇咗笔钱了，呢只碟都系用黎送礼嘎~我仲未听过呢只歌呀，可怜~海印新华书店铺面冇咩碟卖~真系唔知道点解了，得平井坚，坚少只REMIX大碟，虽然好正，又有两只碟，不过都几贵吓~大家买唔买都罢啦~然后都系多咗只松隆子细碟，其实都冇咩值得注意了~近期呢间嘢都系唔多得了~唔多想帮趁了~然后又去咗小芳到，又系冇咩新货~日本嘅就冇咩啦~电子就多咗好多，大家中意电子就去睇吓啦~之后座车去咗THC间卓兴睇睇~好耐都冇去呢间嘢啦~唔使多讲~梗系贵啦~嗰到D碟都唔使点讲，只要大家去听吓今天下午FM102.7小美嗰节目就知道有咩碟了~都冇咩值得去睇~反而我最想买就系只矢井田只新大碟，虽然系台湾版，虽然又系好贵，但想吓自己系新星堂用168蚊港纸买嘅嗰张台湾版就真系不过不失啦~其实都一模一样嘎啦~都系台湾式包装~不过捻归捻~始终都系冇买到~卓兴仲有HIKKI只新PV集DVD成220蚊~我觉得呢嗰价唔错~买得过~不过嗰只台湾版MISIA嘅PV集就贵啦~又系220蚊，我觉得有D唔值咯~旧零水就过得去~~今日听讲话卓兴进咗GLAY嘅日本版好快买晒~梗系啦成三旧几水，进得几只呀？之后又唔见佢话买得晒D香港版？我今日就唔见有香港版卖了~其实系有原因嘅~主要系香港进货难~货源都冇点卖呢~自从搞咗嗰咩整顿音乐市场之后，我觉得广州仲少咗好多碟卖~当然系日本嘎啦~哎~搞咩搞呀~以前咪好好地咯~真系多狗余~去完THC~咩都买唔到就拿住HYDE只新细碟行咗去GD睇吓有咩新货到~结果都系失望告终~虽然俾我揾到MLL第一只大碟~不过打咗口~唔值钱咯~买唔买都罢啦~结果搞咗两只SPEED大碟返屋企~两草咋~又开始降价啦~今期最惨都系只华原朋美大碟啦~几旧水呀~冇命啦~~睇来呢嗰月都系冇钱嘎啦。今期冇去到另一个主要地方就系音乐无限啦~下次我会去睇吓嘎啦~ |
|