发信人: gamba(广州三船敏)
整理人: txstang(2002-01-31 09:20:23), 站内信件
|
首先座地铁去到太子站落车~往D出口行（好似系~到时候自己睇~）向太子道西嘅方向进发，就会揾到新星堂嘅所在地：旺角新世纪广场（2749 5106）只要去到新世纪广场就会揾到新星堂嘎啦~就系三楼~因为新星堂可以讲系香港有最多最齐嘅日文碟卖，而且系日本仔经营，点讲都系最正嘅~差唔多有咩嘢日本CD或杂志，DVD，VHS带到以前嘅LD，三寸细碟，以至日历等都可以揾到，真系咩都有呀~！所以呢嗰系首先要去嘅地方。
然后系新星堂睇完，就按新世纪广场嘅指示，往旺角地铁站嘅方向行（系往南行哦）就系山东街斜对面揾到旺角荷李活中心，然后急急脚上到三楼，要先经过条旋转楼梯嘅，就会揾到间叫‘CD bontique'嘅CD铺，呢间嘢货就唔算好多，但胜在又平又正，又多台湾货（因为平且多）系一个必定去嘅铺头。
去完呢间就向信和中心出发，又系往南行，不过信和嗰门口就系彌敦道嗰边嘎啫（唔识就问人啦~嗰到系人都知道嘎啦~）进入信和先去地库，参观门口嗰几间卖日文CD嘅铺头之后再去揾卖中古（二手）CD嘅档口啦~如果你都中意中古货嘅话，然后就要你慢慢地从地库往上行了~最好间间到去睇吓有咩嘢卖，又方便格价哦~记住价钱好紧要~
除非信和冇得啦~如果唔系都唔好去新星堂到买碟，因为新星堂大碟买220港纸，细碟MAXI SINGLE就一般都系100左右，DVD同VHS就要睇日本卖几钱了，想买返初回版嘅嘢呢，除非系当红偶像嘅碟啦，如果唔系冇都唔使系信和买，因为多数都系抄高咗个价嘅，反而去新星堂睇吓有运行啦，佢地会卖返原价~~再唔系就去中古店到睇吓拾唔拾到D中古初回版咯~
（以上系本人意见，并不代表什么） |
|