发信人: evadino(风中追锋)
整理人: amwaylee(2002-01-16 23:35:00), 站内信件
|
前日落南海砌场，我啰左个第一，系第一个炒低左。又好似吾系啵！全日得我一
个炒左车，其他人都没事，我又何来第一呢！总之一句讲晒：“出师未捷身先死”！
南海炒车剖析全面睇真D！
因素一：大前日晚黑阿超同我重新SET过台车，前避震加咗油SET噃硬咗；前制SET
噃软咗；换咗BREAK皮；换咗条链；最大的调整就是换噃条原装尾避震；尾避震低左
换言之成步车的轴距就加长咗，劈弯既时候左右膝头就比以前更加贴地，表面上好有
FELL，因为之前既练习同比赛都不能个个弯膝头贴地；而家却轻而易举，其实部车作
过咁多调整，如果系有经验既车手，落到场后应该先将台车既性能摸清楚。对于部车
之前作出既调整，车手本身亦应该在姿势上、技术上作出适当既调整，只有人车之间
取得默契，达到人车合一。才能将自己既成绩和个人技术得到提升。而我自己偏偏忽略咗呢点，此乃大忌啊！各位朋友、各位爱好赛车既朋友、各位对于赛车有所抱负既
车手！切勿重滔复撤、以身犯险。紧记！紧记！
因素二：此乃心理因素；由于今次有几个朋友第一次落场，心理上就觉得我吾可以衰俾人睇。我系场上有几英、有几快、有几掂，我要一次过SHOW晒俾人睇！过到南海，连落场D钱都没俾齐，就带晒盔，着晒皮，一也就咁冲咗出去，所以就咁样炒低咗！我系呢度问大家一个问题：“落场砌车为咗么野”？呢个问题我亦都问咗自己好多次！有人可能会答我：“落场为么？哽系为咗有型、为咗溝女、为咗快感、为咗证明俾人睇自己好掂！”我觉得咁样啉系错既！其实赛车系一种挑战自我、超越极限既运动！并不是利用距从而达到某些不必要既目的既一种工具。落到场砌车切忌心浮气燥、意气用事、要集中精神，心无杂念。我地斗车既，落到场斗既系自己，吾系斗人、更加吾系斗气。我曾经话过“落场罗第二同罗最尾系没分别既”而家我觉得我系错既，比赛既野系超越自我，超越极限。只有做到呢点，先至有机会挑战人地，赢到其他人。吾知我既观点有没人同意呢？希望各位多多批评！
因素三：此乃技术上既错误；前日一落到场连条胎都未热就去到咁尽，个个弯都劈到膝头贴地。此其一；去到第二圈第六个弯既时候，系一个高速既左手弯。出弯既时候双眼没望向弯外，而系望向弯内。加上入弯既线路出错，致使出弯时高速铲向旁边草地，当逐渐铲出草地时，由于视野问题所以产生恐惧。从而导致致命既错误。有人可能会问“有没咁夸啊”其实一点都没夸张。试想一下每当我地出弯既时候，如果视线系停留系弯内既话。我地好可能会因为视野既恐惧而收车或者迟迟吾敢俾油，从而影响成绩或导致不必要既错误发生。但是如果我地系出弯既时候望既系弯外，咁样我地就没咁惊，好自然俾油就会俾早咗。那怕系俾油早咗百分之一秒，后果都会好吾同，成绩吾使讲哽系会快好多啦。其实系霸力杯之前既练习我一直突破吾到自己既极限（56.74秒）。系比赛前既一日，有位“前辈”指出左我既错误，经过自己既实践同练习。系比赛当天我突破咗自己个人既最好成绩（54.14秒），足足快咗两秒有多，虽然个一次我没赢到第一，但系我赢咗自己。唉！.....点知今次又犯埋晒D咁既错误。此其二；最后一个亦都系最大既一个错误就系，明知就嚟炒，如果扶噃起部车顺势铲出草地既话，可能吾使炒。就算炒都吾会咁伤，点知就系个一刹那，吾之点解做咗一个咁傻HI既选择。就系狂收前制，虽然有拖刹，但为时已晚。后嚟冷静过后，我自己行咗出去跑道睇过。我急收前制既地方亦即系出事地点，系处于赛道与草地之间既一垯水泥地，咁跣条路吾炒就奇啦！
宗上所述，以上几个方面就系本人今次炒车既全部经过与分析。有见及此，万望各位朋友、各位车手，引以为鉴。切记！紧记！系呢度我向所有关心我、支持我、担心我、曾经指点过我既朋友讲声“多谢”经过医生既检查我已经没么大碍。系不久既将来，我会重新披上战衣，再度征战赛场。我一定吾会令我自己同大家失望！
希望大家多提宝贵意见！！！！！
|
|