|
发信人: cheungyip(唔讲普通话) 整理人: ashleyliu(2002-01-21 11:30:52), 站内信件 |
| 粤语系好似韩语、日语咁，直接来源于古代汉语，又自成体系嘅一种语言。喺长期嘅发展演变过程里便，粤语亦都形成咗好多唔同于汉语嘅特点。了解呢啲特点，对于掌握粤语系有一定帮助嘅。
第一、佢大量咁保留住古代汉语嘅成分，表现喺语音、词汇、语法等嘅方面。喺语音方面，粤语保留咗中古汉语韵母嘅塞音韵尾同唇音韵尾，而喺北方方言里面，呢啲特征早就消失晒喇。又好似声调咁，粤语保留住中古汉语平上去入各分阴阳嘅调类格局，而且仲从阴入中衍生出一个中入调。之外，粤语冇北方方言所具有嘅卷舌音、儿化、轻声等，呢啲特征都系喺中古以后先至发展形成嘅，但粤语并冇跟上北方方言嘅变化。喺词汇方面，粤语保留住一啲古词或古义，而喺北方嘅方言里头，呢啲古词已俾废弃唔用或者好少用。好似粤语里头嘅“粘”系讲成“黐”，而北方方言唔用。喺语法方面，喺人名前加“阿”系表示亲昵，修饰成分后置，“公鸡”就讲成“鸡公”，呢啲都系古汉语特征嘅遗留。 第二、粤语保留住好多古代“南越族”语言嘅底层成分。古代汉族人与粤族人杂居，并喺对粤族人嘅同化过程中，唔自觉咁吸收咗“古越语”嘅成分，呢个主要表现喺词汇方面。如喺粤语中嘅“呢”表示“这”，“喺”表示“在”，“唔”表示“不”，“虾”表示“欺负”等。呢啲都系“古越语”底层词嘅珍贵遗留。 第三、粤语吸收咗较多嘅外嚟词。喺鸦片战争之后，香港割让俾英国，广东被迫设立通商口岸，喺同外国长期嘅接触中，粤语就吸收咗唔少嘅外嚟词，其中主要系嚟自英语，香港粤语里面吸收外来词就更多，而且仲好强烈咁影响住广东境内嘅粤语。呢啲外嚟词有啲系普通话冇吸收嘅，好似“巴士”咁，普通话里面讲成“公共汽车”，有啲系普通话虽然吸收咗但译法唔同，好似普通话里面嘅“沙拉”，喺粤语里头就译成“沙律”。 第四、粤语喺形成发展过程中也不断创造出好多新嘅词汇，呢啲词汇有啲沿用至今，总嘅嚟讲，粤语嘅特点，喺宋朝经已定型，同而家差别唔大。  |
|
[关闭][返回] |