发信人: dragondd(龙飞)
整理人: qiulan98(2002-04-03 09:27:12), 站内信件
|
前个排去左北京住左阵，结果稳到一样好好食既野。不过具体好无好就见人见智拉。因为事关呢样野系用黄芥辣做噶。讲到黄芥辣。我就觉得好食过日本芥辣拉。因为香好多呀。而且落口感觉都好好。记得细个既时候，好中意食咸酸点黄芥辣噶，真系林起都流口水呀。
讲番个样北京小食拉，渠叫芥末墩，系用黄芥辣黎腌津白，D津白事先应该系熟既
因为好林。腌好之后雪起身。买既时候再将渠地一层层堆起成一个小山包型，卖相好好噶。食落口既感觉，开始系又林又甜既津白味，跟住就系有小小甜好香既黄芥辣，冰冰凉甘，跟住当然系芥辣既功鼻味拉，真系应接不暇呀。但系就相当之过瘾拉。尤其系夏天食真系清凉消暑同埋通鼻呀。
响北京都试过三四个地方既芥末墩，D水平都好参差下。不过小弟觉得最好食就系鼓楼附近一间叫馄饨侯既店，卖相好，味道够，又平，个度既馄饨都好好味噶，值得一试。但系凉皮就好水皮拉。
各位如果去北京既话，有时间就记得去试试拉。
----
唔，呢班衰仔口衰格衰兼且样衰衰
有我茂李同粉肠，仲有蛋散同碌葛
唔，呢班衰仔发瘟发姣兼且发花癫
我地靓仔又醒扒，惹事生非当饮茶
唔，呢班衰仔粘筋粘线兼且粘总挚
我地斯文又好礼，保证问候你全家
唔，呢班衰仔没人够倨衰！
|
|