发信人: sam726hk(Sammy)
整理人: kaiyun.lin(2001-12-19 20:04:55), 站内信件
|
董肥首吹鸡召开千人支持競吮连任大会,七八个人上台,讲话舔董,其中包括紅色肥猫
商人及过气戲子佬,仲有一个体壇之宝添。
当輪到一九六七年暴劝首领杨光叔之契仔棠仔讲话时，由於棠仔七情上面，讲話夠
煽情,舔董连任,熱情洋溢，台下坐A1号位之董婆当堂流出兩行眼泪，对住个电視攝
影机，眼定定，又唔用只手去抹，搞到坐隔籬之影城大亨，都擰转头望住佢，大赞
自己从事演艺生意七十年，都未見过咁出色之性格演員。
董婆流眼泪，个人研判，此乃係有一半假一半真。一半假者眼泪一路滴到落下巴，
都唔用只手去抹，此乃係俾全港市民，清清楚楚睇到此一定鏡，此一高等演技，
简直可以夺取金马獎最佳女主角。
不过进話演技,又唔演得晒，其中又有五成真情。何解呢？因为見到自己老公，
连任多五年，即是睇住个老公，会俾香港人蹧躓多五年，小市民问候其令壽堂
多五年，亦將会在鵝頸桥底，俾成班伯爺婆打小人打多五年，身为夫人唔心如刀割
就假。加埋肥首天性勤力，七至十一，早出晚归，做到只牛咁，唔记得慰妻，
董夫人諗到未來五年，仲要过此等痛苦不足为外人所道之日子肥首头五年全情投
入，冷落董夫人，梗係会悲从中来。
之不过，董夫人可能唔知道，全港六百几万人，听見肥首连任，諗起仲有至少五
年，香港在肥首統治之下，失业又裁員，燒炭夾跳樓，唔知仲有几多苦日子，
想唔流泪都几难 原来董婆之眼泪，極有代表性，有如一人一票所推举，肥首连
任，佢固然喊，全港市民个个都想喊焉。
----
~~~~~~~~~~~~~~~~~~~~~~~~~~~~~~~~~~~~~~~~~~~~~~~
事理因人言而悟者，有悟還有迷，總不如自悟之了了﹔
意興從外境而得者，有得還有失，總不如自得之休休。
~~~~~~~~~~~~~~~~~~~~~~~~~~~~~~~~~~~~~~~~~~~~~~~
|
|