发信人: r.calos(ESPN何輝)
整理人: lily324123(2002-04-26 13:00:55), 站内信件
|
現在預測下呢幾套劇既故事：
《沖上雲霄》－－－楊千嬅、林家楝、馬俊偉
林初頭無乜世藝，後得楊、馬鼓勵，林經過一大輪被排擠，終於成功做到飛機師了，
其間，三角戀自然唔少得。而楊千嬅既空姐制服造型係賣點。
呢個制服片種係無記新嘗試，唔多識估，
估計為左要有戲劇高潮，會安排主角發生空難，其餘既主角就會好傷心，
又於唔係cast away既戲種，所以會係主角其實係有驚無險，當朋友趕到機場，
點知主角原來無上機.....，亦因為呢一次事件，阿邊個終於知道最鍾意係阿邊個了。
《翡翠人生》－－－吳啟華
唔知個女主角係邊位，吳係玉店老闆俾細佬（陳豪 飾）出賣，一無所有，後來重新振
作，又得女主角一路支持，終於捲土重來，挽回聲譽，更體會到始終老婆最正。呢套無
預測。
《談判專家》－－－歐陽震華、郭可盈、張智霖、楊思琦（睇唔清係咪楊思琦，可能有
錯。）
呢套最易預測：
一睇過款，歐陽開頭俾女飛、郭俾仔飛（不外乎係因為歐陽不細心、郭不善溫柔之
類），兩人被編同一組，初初發生磨擦，後來在工作上歐陽表演到細心既一面，郭亦於
某種場合表演出動人既一刻（例如會有舞會，郭盛裝出席，所以歐陽中招），之後兩人
多數會走埋一齊。
跟住係張智霖同楊思琦，此兩位亦是鬥氣冤家，由學堂鬥到出街，學堂戲，不外乎有講
ｄ談判技巧既情節，
飾演教官既，你我都會估係夏韶聲，（仲有邊個夠佢適合？），二十集定律，兩人最遲
要第十集學成出山，一同被編到歐陽及郭的麾下，張及楊不外乎係學堂精英，表現突
出，但新人出錯既機會大，於是張或楊是但一個可能講數失敗令到事主出事，在失意
時，另外一個就安慰失意那個，跟住就會發覺，「佢其實都唔係咁乞人憎0者.....」咁
就拍埋一齊了。
兩男既關係不外係兄弟或叔侄，客聽拎住啤酒講心事既戲走唔甩；而兩女多數係姊妹關
係，床頭睡衣夜話又唔少得。
最後郭多數會有場結婚戲（新娘係歐陽或者係郭之前男友），或者結婚戲中出現變故，
或者係郭出事，當然又要講數，講數既對白令到郭感動異常，最後返去歐陽身邊。
二十集大功告成，又一套掛住紀律部隊既標誌，實則又係佈景室內愛情戲。
戀愛猜情尋－－方力申、李彩華、陳文緩
睇片段睇唔出套戲會講乜，純粹斷古無辛府：
方力申或者係萬人迷，好多女仔鍾意，rain & bobo亦係一份子，
但萬人迷好似對愛情無乜反應，可能一早心有所屬，一副入定高僧之模樣，無論投懷送
抱之女有幾索，都不為所動，rain & bobo是但一個既神情可能接近此萬人迷既心目中
女神，所以萬人迷就同呢個代替品一齊，期間亦認識了剩下的一位，跟住又發現剩低呢
位亦有動人一面喎，漸漸就發現最終所愛竟然係剩低呢位喎，傷了三個心既情節應該好
快好返。被捨棄的一個會搵返另一半。萬人迷亦同最愛一齊。
繼《創世紀》後，無記既商家富豪兄弟相殘爭產勾心鬥角恩怨情仇戲似乎停左兩年，未
來一年都好似無，可喜可賀。
|
|