发信人: winglam(ＯＴ·ＭＡＮ)
整理人: lzyboy(2001-08-27 09:27:01), 站内信件
|
8月24日晚"黑色星期五"之"黑仔"事件簿
前文書接上一回,上回講到『OT.MAN』計劃8月24日晚去睇『蜀山傳』
8月24日晚,『OT.MAN』約咗3個朋友去睇『蜀山傳』,事關大家鍾意<市一宮>嘅視
聽效果,四人打的士到咗<市一宮>一望,全場大廳仲係播緊『珍珠港』,『蜀山
傳』係細廳就有得播,由於唔鍾意細廳,轉去<永漢>LOOK LOOK,點知<永漢>又係
『珍珠港』.
冇計,唯有又打的返番<天河電影城>搏一搏,到咗<天河電影城>一LOOK,好彩!大廳
有一場,23:15分一號廳有『蜀山傳』,當時時間係八點零,有人提議散水,有人提
議既然走都走咁多轉喇,索性就睇埋佢,最後都係決定等. 我等!!
話是話,流流長三個鍾都幾攞命~~~要搵啲搞作先得!! 於是乎,大家走去<天河電
影城>一樓一個賣益智玩具嘅檔口玩解金屬環,砌模型...百無聊賴嘅破曬所有玩具後時間過咗兩個幾鍾,時間仲未夠,跟住入咗見KFC,去盡啲...砌咗舊吮指雞
塊...
食完KFC時間差唔多,殺上<天河電影城>買飛,點知"黑仔"開始喇~~~個賣票靚女話
俾我哋知,出邊個告示同電腦系統顯示又出入,果場播『珍珠港』,冇『蜀山傳』,
走咗幾轉,等咗三個幾鍾,個靚女竟然話冇, 天哪~~~有冇搞錯!!! 無奈,無奈,衆
人決定徹底放棄,一於散水!! 分頭走路.
散水不過5分鐘,更加大劑嘅"黑仔"事件出來喇~~~ 一個朋友出車禍喇,叫我哋去
中山三院門口等佢,我哋第一時間趕到中山三院門口,見到傷者『阿SAM』,『阿
SAM』經已成面血,件恤衫變咗血衣,極恐怖!!好在『阿SAM』頭腦還清醒,止完血,
照完CT,睇完醫生,出埋結果都去到8月25日淩晨1點幾. 當時問番『阿SAM』記唔
記得個的士車牌, 『阿SAM』話個的士車牌係: 粵A A5194, (哇,咁猛吖~~~)撞到
前邊個白色VAN仔,車牌 粵H xxxx4,個車牌淨係記到前邊同埋最尾個NUM.
影真夠邪~~~!!8月24日"黑色星期五"4條友去睇戲,粵A A5194,粵H xxxx4,死死聲
撞埋,好彩個人冇乜大事!!撞親個鼻哥,鼻梁骨輕微骨折,好險,好險!!!嚇到『阿
SAM』鼻哥窿冇肉~~~
8月25日下午4點幾『阿SAM』獲得賠償人民幣1500元,現在經已返屋企修養,但願佢早日康復!!
以上故事純屬真實,如有雷同,冇乜可能!!
----
點解IT人成日要OT,OT人又多數係IT人
唉~~~,正所謂:命苦又唔怪得政府...
有DO嘢喎~~~ 唔係有D嘢喎~~~ |
|