发信人: wer.wolf(狼人=五只羊)
整理人: arai(2001-08-17 13:14:35), 站内信件
|
寻晚系有生以黎第一次开电单车上白云山。未上之前系东风路就遇到大雨，但系都不能熄灭我上山既热情。雨过之后我地一群十几个人前后脚黎到白云山，估唔到既系动力车队班人都选择左系黎一个风雨交加既夜晚上山，令到我地仔仔版斧心中既战斗之火终于点燃，大家既斗心去到有史以黎既最高峰（誓要争夺白云山山路之王既称号，以重镇网易车队既声誉）。
系等齐人之后，我地终于决定开始上山。而我都迈出左人生中重要既一步，心情自然系又兴奋、又紧张，好彩黎个时候得靓仔许乐同志走过黎教路（讲左一点如何避开动力D车，以免受伤既方法！系度真系要同许乐同志讲声多谢！！！）。交完钱之后追风一马当先，我接住紧跟其后，尝试跟住亻巨。不一会儿，我就发现甘样做其实系徒劳既，系一部部比我后出发既车都爬左我头，并迅速将我抛离，一阵就连追灯都见唔到啦！我终于最后一个到达鸣春谷。好彩得追风等埋我，甘样我先无荡失路！跟住追风、许乐一路上，一路上，途经摩星岭，其实未上山之前我都预左包尾，所以我沿路都唔去到甘尽。当我置身于漆黑既白云山当中，包灠山下广州夜景既时候，心情真系好正！最后终于到左后山。就甘我就完成左有生以黎第一次上白云山既经历。
系后山除左我地网易车队之外，仲有早我地一步上山既动力车队。两队相碰，必然有一翻龙争虎斗。以前既口水战，终于系今晚要用实力黎证实。动力车队首先向我地网易车队发起挑战，于是我地网易车队系版斧仔仔（HONDA PGM3 SP）既带领下，由R钉（SUZUKI RGV250，好彩花）、阿杰（HONDA CBR250 MC22）、追风（YAMAHA 凌鹰125）、许乐（YAMAHA R1-Z）接受挑战…………
我地一班无参赛既就系原地等待胜利既归来，时间一秒一秒甘过去，大约五分钟过后，首先返黎既系仔仔同阿杰，之后有追风、许乐，过左一阵先见到动力既人陆续返到，甘即系讲我地网易车队既仔仔同志系今晚真真正正成为山路之王，恭喜、恭喜~~网易车队亦都大获全胜，从此响朵。但系R钉呢？？大班焦急甘等左一阵，终于见到R钉返黎啦，点解亻巨会甘慢既？（大家都面带疑惑），原来R钉同志系半路因为挂住睇个靓靓头盔，一个唔觉意铲左落条水沟度，跌底左，光荣负伤（好彩部车系好彩花，所以好彩只系擦损下，不过部车就花左小小，成为真真正正既“好彩 花”啦，呵呵~~~~讲笑，请R钉同志唔好介意）。
经过今晚既上山行动，令我对摩托车既热情更进一步，以至返到屋企心情久久不能平静（表现为训唔着），耳边还时不时响起三仔、22期既engine声。正啊~~~~~~~
----
( ;`~v/~~ ;._
,/'"/^) ' < o\ '".~'\\\--,
,/",/W u '`. ~ >,._.., )'
,/' w ,U^v ;//^)/')/^\;~)'
,/"'/ W` ^v W |; )/'
;'' | v' v`" W } \\
" |
|