发信人: gamba(GAMBA)
整理人: txstang(2001-06-01 17:19:15), 站内信件
|
好多人成日话呢只碟唔好听嗰只碟唔好听，又话边只碟唔够吸引。其实到底呢的人有无问问自己点解会觉得呢只碟唔好听或者觉得唔适合呢？究竟系唔系自己的水平唔够，听唔明，定抑或人地只碟跟本就系制作得唔好呢？都系一个要讲讲嘅问题。
首先，要问自己点解要买呢只碟来听。如果你买呢只碟系因为自己喜欢，或者系自己嘅IDOL，所以先去买返来，而自己又觉得好听，咁就梗系好啦。但系如果唔好听嘅话又点算呢？其实呢嗰时候就最好问问自己点解以前会中意呢嗰IDOL，又点解会买呢嗰IDOL只碟，如果明确咗自己先前嘅目的就最好啦。不过，捻极都唔明点解会觉得好呢，最好嘅方法就梗系讲只碟听多十次八次，呢嗰方法呀，万试万灵。因为能够将一首歌嘅旋律成日系你嗰脑袋里回旋，你就会慢慢领略到呢个旋律有的咩优点，有的咩咁吸引。呢的都系从多听，听返来嘅。如果你买嘅呢只碟系因为羊群心理所以先买，买咗返来又话觉得唔好听，咁样先系大问题。因为跟本就唔系自己觉得好中意嘅，而且又唔系自己中意嘅歌曲类型。如果真系咁样来觉得后悔，我认为呢的就系自己攞来，无得懒呀。鬼叫你羊群心理呀，唔信自己，买嘢都唔三思而后行，呢只死猫梗系自己吃啦。（不过，对于买老翻嘅人来讲系无用嘅）。不过又唔系话无得救嘅。其实只要你问问人地点解会觉得嗰只碟好听，咁咪得咯，因为各有各嘅好处。你觉得唔好啫，唔一定人地又觉得唔好嘎，因为其他人中意嗰的嘢就一定要其他人嘅道理，就可以讲明其他人就可以听得出呢只碟嘅好处，而你自己又点解听唔出呢？说明原来自己同人地仲有的距离，买咗返来就攞来继续听系啦。其次，如果系因为只碟嘅关系，制作得唔好，唔适合你，咁你又点解会买呢？真系咁就唯有认命啦。不过又系因为自己水平未到加听唔出呢，咁都无的怨咖，鬼叫自己唔争气，听嘅碟唔够多咩。所以呢，咩嘢都系听返来嘅，如果无听过咁多碟，就一定觉得好多碟一的都唔好听，听得多，自然对歌嘅领悟就会高，呢嗰系定律来嘅。不过当然要系听完嘅基础上多呢首歌或呢只不过碟作的感想，呢嗰系好重要嘅，因为要有呢的感想先能提高自己。
大家都系慢慢体会，千奇唔好成日话呢只唔好嗰只又唔好啦~。 |
|