发信人: gamba(GAMBA)
整理人: txstang(2001-05-15 06:02:39), 站内信件
|
98年的日本乐坛是BAND SONG主宰的乐坛。可以讲98年的时候，如果你无去听BAND对的歌嘅话，你就一定系无听过日文歌一样。就好似现在无听过HIKKI同MAI-K之类嘅歌手的歌咁。点解98年会系BAND SONG盛行时期呢？主要有几个原因：第一，日本人的口味开始要转变。95，96年系电子音乐盛行，就即系俗称嘅“三高”时期。嗰阵的歌都系以快节奏嘅DANCE
同HOUSE，EURO BEAT等跳舞音乐为主，都系得嗰“高”字。即系话旋律以高音为主，高速嘅节奏，歌词高密度，就系所谓嘅“三高”啦。但系如果成日都听的咁“高”嘅歌，个人都会听到爆炸啦，而且听得多都会闷，转转口味就最好啦，所以ROCK呢种咁世界性嘅音乐就最有机会主宰乐坛，首先俾咗BAND SONG开始成为主流音乐一个好好嘅客观条件。第二就系本身BAND SONG就好容易受落。ROCK本来就系音乐里面一个好重要嘅成分，因为ROCK系最能够直接表达自身的想法同埋的感受，好容易就俾到听众知道你所想，所感嘅嘢系的咩，从而使自己都可以投入到歌手嘅境界之中。所以具有直接性系ROCK的一个特点。而且ROCK本身嘅特点仲有好多，例如又可以更容易调动各人的情绪，使人可以立刻兴奋；又可以唱出感人的情歌，使之人陶醉等等特点，可以睇出ROCK嘅优点所带来嘅嘢，最能使人受落，呢的系ROCK MUSIC所本身具有嘅嘢，唔到你唔承认咖~！第三就当然系日本乐坛里面BAND SONG一早就有好大班人支持咖啦，系98年兴起时嘅中坚力量。他们在使自己队BAND更受欢迎之前已经对ROCK充满热情，系非常喜欢ROCK嘅。有咗呢班人做后盾，唔使惊开头无人支持。第四就可以讲系彩虹同LUNA SEA嘅回归。当然GLAY只BEST大碟热卖就可以讲系导火线啦。LUNA SEA回归系因为各成员要在97年进行自己嘅SOLO，从而为LUNA SEA的音乐里有新嘅变化而去学习和探索新嘅元素用来加到LUNA SEA嘅音乐当中，可以见到LUNA SEA系成功嘅。而彩虹就因为新加了YUKIHIRO而把整队BAND嘅鼓风作咗调整，而且更使自己嘅音乐更上一层，更能把自己所有嘅优点更好咁SHOW晒出来。第五就系最主要嘅原因，亦都系BAND SONG自己成功嘅主观原因。他们已经能够更好地演绎ROCK嘅含义，更好地将ROCK容入市场，成为POP的一部分。他们因为已经可以将自己对爱情嘅感受用咗ROCK来表达，但又不会将ROCK本身硬头硬马嘅本质暴露在外，俾人觉得自己系到死叫烂唱，而是将POP嘅元素十分恰当地融合到ROCK之中，使ROCK变得更完美，更易接受，更能使ROCK进入到流行嘅世界里面。可以讲正系各BAND队成熟时期嘅到来将ROCK呢样嘢带入主流市场，从而主宰乐坛。就系因为受到客观原因同主观原因两种因素嘅影响同埋支持下，ROCK才得以系98年发光发亮，越唱越受欢迎。
最后梗讲讲有边的碟要听啦。第一，LUNA SEA嘅《SHINE》大碟。呢只大碟最主要就系有咗的新嘅元素，当然就系各成员SOLO时期努力嘅结果啦。我觉得呢只大碟系LUNA SEA咁多只大碟之中做得最好嘅。因为呢只碟已经唔再同出道嗰阵嘅哎生哎死咁反叛嘅啦，系好注重爱情方面嘅，所以呢俾我嘅感觉就系好舒服，觉得你嘅爱情就好似新一天嘅阳光咁，直透你心。在你新心穿过，使你有焕然一新嘅感觉。当然，如果无咗POP嘅成分系到，就无咁易表达出来啦。第二，彩虹嘅《HEART》大碟。讲开呢只碟，我开头都系为咗只SINGLE歌《WINTER FALL》至买嘅。点知道原来真系一只极品大碟。完全就系彩虹各成员用自己嘅心做出来嘅心血结晶。其实我讲多无谓，吃多会滞，听下就最实制，大家听过就知道咩系叫咗犀菲利啦！第三当然有GLAY嘅《PURE SOUL》大碟。呢只碟唔使讲都知道一定系好到不得了嗰只。 因为唔单指里面的细碟歌大HIT，而且里面仲有GLAY最厉害嘅合唱歌《I’M IN LOVE》啦。呢只歌你地唔好话唔识呀，唔识就打罗友咖（笑）。如果大家系买咗只台湾版来听就更加好。因为台湾版头埋细碟的C\W歌，爽死咯。的C\W歌里面有首系HISASHI作嘅，唔错咖，正到痹呀。而且仲有埋细碟歌卡拉OK添，如果系另一种台湾版，就仲有埋《口唇》嘅卡拉OK呀。不过我觉得如果你认为你只真系好碟，就唔好贪好吃夹大件，一定要买日本版，呢的叫尊重人地的音乐呀老友，知道无？？？
|
|