|
发信人: pennyso(Eriko代言人) 整理人: txstang(2001-04-16 15:20:00), 站内信件 |
| ゴスペラーズ(The Gospellers)
最新细碟:ひとり(罗马拼音：hitori) 
最近大家应该可以留意到oricon细碟榜有张叫『ひとり』嘅碟成日徘徊喺前列位置，无错，今日Pennyso为大家介绍下主唱呢只歌嘅boy group^^ 第一次听呢只歌係喺电台节目『是日本人郑家辉』度听嘅，开头仲以为All-4-one唱日文添(清唱技巧非常相似)！后来听郑家辉介绍先知道係一队叫The Gospellers嘅组合唱嘅... ゴスペラーズ又叫The Gospellers，成员有五个：黑沢熏、村上哲也、北山阳一、酒井雄二、安冈优。佢地五个都係来自早稻田大学入面一个名为『Street Corner Symphony』的A capella乐团嘅成员(A capella俙意大利文，係无伴奏合唱嘅意思，即清唱)。The Gospellers最初只有黑沢熏同村上哲也两位成员，后嚟喺被早稻田大学相遇，加埋三个学弟北山阳一、酒井雄二、安冈优组成『The Gospellers』。 由于五位成员都拥有一把靓声，再加上喺『Street Corner Symphony』嘅训练，所以五人非常默契，既能够独唱又能够合唱，因此The Gospellers係日本流行音乐史上唯一一队同时拥有五位主音嘅组合！ The Gospellers于1994年12月21日以细碟『Promise』正式出道，至今已推出16张细碟同7张大碟。可能歌曲风格与当时潮流不一致的关系，所以佢地出道多年都不为人所熟悉。不过，凭住佢地嘅努力，近年终于开始渐露头角，最新一张大碟销量都已经有40万，至于全新细碟『ひとり』就更加厉害，一上榜打入oricon第七位，成绩骄人！ 大家可以到http://www.jpdrama.com下载呢只mp3试听，如果你同Pennyso一样都钟意骚灵音乐(soul)，呢只歌绝对唔会另大家失望！！！ ----  |
|
[关闭][返回] |