|
发信人: piggy_zheng(吸水豬豬) 整理人: swearl(2001-11-15 22:24:28), 站内信件 |
| 首先，七點鐘嗰陣陪個朋友去見網友，因為佢係第一次見，所以好惊，
於就是搵咗包埋我在内嘅两個人一齊去，嗰個女嘅提議去蒙地卡羅食嘢， 我個friend一聽到，嘩嘩嘩，唔係開到個價咁高吖嘛，於是就還價不如去 M記，個女嘅居然講話佢唔會去嗰啲地方嘅，我個friend講返捭我聽，我 心諗，係咪咁把炮，咁我就要去睇下啦（到此為止我哋都仲未見到個網友， 上述内容都係電話内容），最終落實就響上下九間緑茵閣度見！！ 根據呢個蔡智恒嘅上網女性百份比再取其靚女數微積分，在塲咁多位 都一致唔會否認網絡無美女呢個定律，我都唔例外，於是我就提議不如大 家就響間緑茵閣下面嗰度等，睇下有咩人入咗緑茵閣，如果眞係好醜嘅話， 咁就食龍肉都冇味啦，我哋已經有曬丿嘅心理準備，等咗大概十分鐘，見 到有两個長發靚女上咗去（凈係見到背面，但係都已經正到不不不得了）， 呢個時候我個friend個電話響起，果然就係嗰两個，我哋三個人一齊唔知 點算好，老實講未見過咁正嘅網友（背脊……），两個都高米七，我哋三 個人最高就係我，都係得嗰……米七……，見到面唔知點算，就好似三個 弟弟同两個姐姐咁……點算點算？！！？！ 男人，冇理由放飛機嘅（B仔最興），上就上，結果我都係借尿遁，去 一去厠所先，然後就好唔知點咁直上三樓搵佢哋……！！上到去……離遠 望，果然係两個弟弟同两個姐姐坐埋一齊……行到埋去……第一時間望到 佢两個（個網友同個網友嘅friend）個樣……嘩嘩嘩~~~~屌屌你……唔係 人呀~~~~~靚到！！！第二時間望咗落個網友個胸度……（生理反應，其實 我係想望佢嘅衣着打扮嘅），嘩嘩嘩~~~~再屌屌你……外面睇落係密實嘅 老西，但係入面居然係底胸衫（直覺話我聽冇bra），好大條溝呀~~~~~ （原諒我講得咁俗……），我眼定定咁就坐咗響佢哋四個人嘅中間…… 五個人，講乜好？我眞係唔知講乜好，大家根本就唔同人種！！經過 介紹之後，知道個網友見晴晴，做model嘅，佢個friend嘅姑姑，做銀行 嘅（唔會係開銀行嘅呱？！）！！突然晴晴問我個friend，我個friend就 問我有冇，我答佢：“有，得奶羊嘖噃”，晴晴問姑姑：“咩係奶羊 呀？！”姑姑笑都唔笑（其實一見到我哋就未笑過，唔使講大家都心 照……）咁答佢：“中國萬寳路囉”“吓？哦，我知啦”，我問：“咁你 要唔要呀？”“要囉”，姑姑好似冇眼睇，同晴晴講：“我落去買煙先”， 結果就得返四個人…… 四個人沉默……再沉默……我望下臺面……晴晴用嘅係8850， 我……8210，我個friend……6150，再另一個friend……3310…… -_-b， 三部膠殻機都冚唔過一部鐡殻機呀陰公……，我都唔知點咁，開始坐得唔 安份，想……丿……，呢個時候姑姑返嚟，擺咗包如無意外應該係Catier 嘅煙響臺面……我更加唔安份……，奶羊……￥2.50元，Catier…… ￥15.00元……，!@#$%^&*，我想丿呀~~~~~, 於是，我就下定咗决心要…… 面對住五個人，唔好嘅氣氛，我終於都坐唔住，攞起部手機約人，然 後就話要走人，我個friend細細聲同我講：“你係咪咁冇義氣呀，唔準走” （事前佢仲話叫我早走早着，話費事要佢負擔多一份，而家……），晴晴 聽到得個笑，終於我都走咗……，我一出到門口，乜都唔想講，凈係想講 粗口，我成世人，見網友两年幾，都未有過咁好嘅回憶，我個friend居然 第一鍋就破咗個咁好嘅處……應該係開咗個咁好嘅頭，有冇搞错呀，仲要 我从來祇有見到人哋太醜惊到走嘅，未試過見到人哋太靚而惊到走咖……， 8850vs8210……，Catier vs 奶羊……，我想死…… 完 事後就去搵約好咗嘅嗰個人，同佢響機室玩到10點，點知出門口個朋 友捭人搶咗部手機，於是就陪佢去派出所報案，一路等到两點幾先返到屋 企，總之今日就係神奇，两樣嘢我都未試過…… ---- 
|
|
[关闭][返回] |