|
发信人: txstang( ) 整理人: txstang(2001-03-29 21:13:47), 站内信件 |
| 終于都睇完“L.W.G.P.”喇，感動到一塌糊塗……
我一向睇好鍾意睇D講邊緣少年嘅日劇，因爲呢種類型嘅日劇唔會si咁擺道理，但係睇完後突然會明白好多嘢，好似以前嘅“EIJI”我就好喜歡，每次睇都會深深感動。 初初因爲呢套日劇冇我喜歡嘅藝人演出而令我問人借咗成個月都冇睇，後來因爲要還返俾人先睇下。 開頭果幾集太悶喇，搞到我成日睇到訓著……真真正正感動嘅係當小俊（山下智久）被發現si咗後，King嘅反應……一直我都覺得King（窪塚洋介）呢個角色好變態，但係睇到佢睇到朋友被殺而忍無可忍，下令手下行動時覺得狂型……當睇到佢俾個細路女用刀刺時，佢講果返“遺言”聽到我定曬，好感動好感動…… 其實我睇戲好少會Cry，不過實在太感動喇，睇完後覺得雙眼好澀……發自内心感動…… 不過我唔鍾意“L.W.G.P.”嘅收尾，太簡單，小光（加藤愛）雖然話有多重性格嗟，但係咁嘅收尾太便宜佢喇，佢D朋友一個個因爲佢而si，起碼編劇都應該安排小光si吖嘛…… ↓小俊從雜物櫃出現呢幕睇到我眼都定……但係我好唔明點解連佢都要殺？就因爲佢幫小光行刺過加奈？ 
↓就係呢度開始令我感動，King大叫果陣真係好震撼…… 
---- 
My Homepage －－＞ V6のあたる場所 “東瀛來風”版 ＜－－ Welcome Oicq № 5453509 |
|
[关闭][返回] |