发信人: piggy_zheng(痾花灑)
整理人: swearl(2001-11-15 22:24:28), 站内信件
|
以下内容純為道聽途説，未有實貭證据，大家當係飯後古聽下就罷，我唔負任何責任！
天天集圑
廣州數一嘅機室集圑，佢係咪集圑形式我唔知，冇上市，亦冇公司號，祇不過係攞够生意牌嚟開機室，歴史大概有十年，唔知大家有冇留起以前啲機室嘅機銀，有嘅話你哋細心留意下，好多上面都會有“天天”字樣！該集圑機室嘅公布之廣，由大到細，由路面到入巷都有，我所知道嘅有而家嘅天河機室，人民路天天機室，東升，新東升，明東升，前廣衛路日升機室，前舊倉巷電子游戲……，由於國家嘅新規定，天天嘅機室已經减咗好多，立得住腳嘅就祇有天河、新東同明東，但已經算係響廣州立下不倒嘅名聲（因為佢死凈三間，第二啲集圑就直情死曬……），以低消費同良好服務為宗旨，有關人仕仲聲明入面消費唔會貴，而家嘅七毫子一鋪將會定價唔升，而本人角度嚟睇，可能市道問題，佢呢個承諾實在得好好，往年年廿九三十年初一都會升價到八毫，今年冇，亦冒險咁響年廿九通宵營業，實在够歡，眞正做到，低消費，服務好（賣曬廣告）！但佢哋亦有最大嘅問題，就係新機上臺嘅問題，據天河内機負責機臺更新維修及入口嘅cheng哥講，而家無輪係換個機殻定係換塊機板都要通過政府審批，唔單祇係買新機嘅問題，就算係將呢塊板由呢個機殻換落第二個機殻都一樣要審批，而且一批就幾個月，買機買板都一樣，所以啲機殻唔壞得，壞咗要買，買就要審批，買殻要批一次，買板要批一次，將塊板入落個殻度再批一次，再黐上標簽，證明呢個殻入面係呢塊板，可以有其它……面對如此局面，cheng長嘆一句：“等世貿入關啦，有咗WTO，到時買機就私人交易，政府就管唔到，起碼有多啲新機，但係都係要批……”！！！
龍威集圑
好似係叫咁嘅名，唔太記得，總之係香港公司，應該就係香港嗰個龍威！旗下機室開遍全中國，點解咁把炮，因為佢有中國嘅游戲機代理權，機室對佢嚟講祇不過係産口展銷廳，亦因為係咁，佢攞嘅唔係一般機室攞嘅娱樂牌，係電子商口營業牌，機室，當然亦都唔係娱樂塲所，係商塲，廣州嘅迷失世界，番禺娃娃世界……（啲機室名唔記得，問ALIEN會知道多啲），都係佢嘅商塲，入面嘅機都好新，一般香港上市半個月嘅機佢都會有，唔使批？唔使批！因為佢有代理權，唔需要買賣，唔使捭税（當然賣就要，但係自己搬自己啲機就梗係唔使啦），所以新機嚟得快，但同時亦受香港同埋大陸市塲嘅束縛，熱門嘅機廣州眞係嚟得遲，比如DM3，大陸冇，去曬香港，可能係睇到大陸消費唔起同埋香港供不應求，但係我覺得呢度遲早有，因為……有人話，香港嗰邊玩到唔到嘅機，就會搬嚟大陸，或者做展品，或者當二手賣……（可悲:~~~）！！有利就有弊，同天河一樣，佢亦有意料唔到嘅問題，由於牌照性貭模糊，所以機室時開時關，政府認佢係商塲嗰陣佢就開，認佢係機室嗰陣就關，迷失世界係個典型，無奈呀！！！
似乎無論點，廣州都係最受遭央嘅地方，冇新機係肯定嘅，有人提議過（其實係我）叫天河同龍威玩合作，有新機又有塲，但係反應就係：“行唔通，龍威係食大茶飯，哋唔志在你七毫子一隻銀，因為賣一部機已經等於你成年，市塲又咁大，唔使睇你一個廣州，天河係小本生意，老闆亦都唔係熱忠於游戲嘅人，機室對佢嚟講祇係生意，風險唔冒……”，等奇跡啦，不過而家我哋都係冇得揀……去天河啦，我成日去咖！！！（賣多次廣告）
----
█ █ Ｂｅｍａｎｉ 音樂游戲板 █ █
█ █ ╭─╮ ╭─╮ █ █
┌┐┌┐┌┐ │⊕│ │⊕│ ┌┐┌┐┌┐
││││││ ╰─╯ ╰─╯ ││││││
└┘└┘└┘Ｂｅａｔ Ｍａｎｉａ└┘└┘└┘ |
|