|
发信人: l_helen(小乖狗军团团长) 整理人: nikkosport(2004-12-08 11:20:36), 站内信件 |
| 妈妈得咗乳腺癌,家阵好多嘢受病症同化疗的限制,唔可以食了.为咗佢的营养同胃口,菜式做出花样,一直系我呢排的主要工作.
今日朋友介绍咗薏米鲈鱼,薏米据说化郁结,对乳腺增生同乳腺癌都有好处,鱼类则增加蛋白质,有益化疗病人.妈妈唔中意食鱼,对蒸鱼更加唔中意,加上蒸鱼好难整成便当送去医院.所以今日呢个菜式比较适合. 材料: 薏米(180克),鲈鱼一条(我呢条一斤仙D),黑枣十粒(可以用红枣),菇类少许,姜葱蒜少许,枸杞少许,水2000ml 
做法:薏米洗净,泡水四小时. 将鲈鱼洗净后斜划2-3刀(也可以不划),用白酒驱除腥味(因为妈妈做化疗,唔可以用酒类调味,所以我用胡椒粉少许抹身代替). 鱼皮抹一层盐,鱼腹中塞入葱蒜姜末. 
黑枣(红枣)拍扁去核(有人话去核好麻烦,其实只要出力拍扁,好似拍姜咁拍,就可以去到,而且可以唔多带肉咁起到个核出来) 锅内放清水,将薏米,红枣,枸杞,菇类,鱼放入, 大火煮滚转细火煲30-40分钟即刻. 
其实本身呢个菜无菇类加入去噶,不过因为医生叫妈妈食多D呢D食品,所以我地好多菜都加菇类同黑木耳.我今次用噶系梅花菇. 仲有就系,病人唔可以食太多油,炒,煎的嘢,呢味菜都几符合清淡的要求. 大功告成,个样就麻麻地了,不过味道几好.希望妈妈中意同埋真系有食疗的作用啦..  ---- 
|
|
[关闭][返回] |