|
发信人: horacelaai(小昭*峰人疯语) 整理人: sunny2000(2004-12-27 23:02:23), 站内信件 |
| 背景：
1、阿仙奴的确系强，连曼联球员都承认阿仙奴实力强大（积分榜无讲大话），之前咁多场联赛行云流水嘅进攻获得比曼联多20个嘅联赛入波 2、成日话曼联三冠王，但系作为一个曼联迷，都唔可以唔承认而家嘅阵容比起当年三冠王弱咗好多，或者讲，而家嘅希望系放响未来，曼联而家嘅阵容远远未发挥到最好。 争议： 毫无疑问，点球有问题。不过，就算有问题又如何呢？老话：无裁判可以100％判罚正确。如果仅仅靠一个点球话裁判偏帮曼联系唔正确嘅，裁判响比赛里面嘅判罚，有某D都有利于阿仙奴。如果你话呢个点球影响到阿仙奴球员嘅发挥，咁我只可以讲，阿仙奴D球员未成熟了。如果你话呢嘅点球导致阿仙奴后面再失波，导致输波，咁OK，就算无呢两波，阿仙奴都系入唔到波，一样系赢唔到曼联，咁又代表D乜。 就算系讲裁判，02-03赛季，曼联对阿仙奴第二场，如果唔系裁判一个误判点球，阿仙奴都未必可以逼平曼联。历史可鉴，裁判唔系曼联养嘅。 反观阿仙奴49场不败，收到裁判得益都唔少，03年9月13号，阿仙奴对扑斯矛夫，上半场舒宁咸头锤打开记录，但系皮里斯下半场一个好假嘅禁区里面跌倒，呃到一个点球，阿仙奴先可以1-1逼平呢支弱旅。仲有好多。我唔可以话呢场波可以影响到阿仙奴上赛季夺冠（我自此承认上赛季阿仙奴系表现得非常好），但系无裁判嘅爱护，阿仙奴同样创造唔到咁伟大嘅记录。（阿仙奴创造49场不败，响我眼里面一样系伟大，而唔系垃圾） 战术： 阿仙奴呢49场不败里面，有唔少系比D中下游球队逼平。呢D球队，全部都系防守比较粗野。响中前场就开始拦截，唔比中场球员顺利倒脚，出波，传波，更加唔容易比机会你射门，唔比空间你调整，打出流畅嘅进攻，场面上虽然难睇，但系有效。曼联从上个赛季开始，对阿仙奴都放弃咗自己一贯嘅打法，而采取呢种打法，何况曼联有好前锋，偷袭完全唔系问题。其实其他球队都试过用呢种方法对付阿仙奴，只不过未够班，或者无好前锋，导致赢唔到，而家曼联用，大家觉得唔惯嗟。老实讲，法国帮通常最忌就系呢种打法，无空间调整，对于技术好嘅球员就系一样最痛苦嘅事情，你睇睇呢两年法国就系经常输比呢类型嘅球队，所以讲，曼联呢次，系用好咗战术，唔系牛屎，或者靠裁判帮嘅。 最后讲讲云加啦， 阿仙奴以前输比曼联，唔系因为球员唔好，系因为“云加”。唔系话云加唔伟大，而系距好容易就比其他人撩起把火，导致头脑发热，然后就指挥唔掂。上赛季阿仙奴成绩咁好，我个人认为，除咗不败因素导致阿仙奴一路谷住度气，另外一个原因系云加冷静咗好多。但系而家输波，媒体一定大炒特炒，云加先生睇完以后会唔会好似以前咁一点即着，真系好难讲，奉劝云加一句，冷静D，一场波嗟，而且输比曼联，无乜好遗憾嘅，联赛仲有好多场，慢慢来啦。希望云加继续带领好阿仙奴，奉献多D好波比D仙姑球迷啦。 ---- 没有不停的雨，没有不来的黎明！ 欢迎来此留言 
欢迎投我QQ家园一票 |
|
[关闭][返回] |