发信人: cihpk(发霉之橙)
整理人: arai(2004-07-25 15:36:37), 站内信件
|
深圳改车玩车之风系广州同其他地方无法能够比既,你试想下入黑,系一条双向四车道全沥青既山道旁,聚集超过70台汽车,林林种种咩车都有,最普遍既热改车型宝来~威姿~凌帅~思域~POLO~雅阁~M6.....冷门既QQ~夏利~SUV~吉普~捷达.....甚至人气名车DC系列,GTR系列等应有尽有,不过大家都有一个共通点,就系全部换晒夸张既包围,改晒震耳欲聋既响喉,改晒华丽既轮铃.....大家聚集系到都系有住同一个爱好同目标!好多车都搭载左车机,方便队友之间互相消息联络,我地广州5部车混系依支联合国大部队里面正在为眼前依一幕壮观既车群而惊叹,旁边既一台劲改宝来车机传来左出发既指令,盘山公路前山既第一集团军开始出现异动,一部部怪兽呼啸着没入山道朝三洲田方向前进,带头既有做晒拉花既323,改左大涡轮既宝来,大马力既3000GT,LOW低晒避震威姿,改晒EVO包围既凌帅......睇到眼都花,我地都拿拿声着车第一时间跟上第二军团,经过盘山后山一段路之后转入公路,我心情兴奋都极点,耳边回响住既都系N部车响喉发出既轰鸣,身边围绕住我既都系一部部经过轻度或者重度改装既靓车,而我只系揸部小度强化既三缸夏利,无比既斗心涌上心头,话之距三七二十一,一于开油死跟,同台3000GT同另外一台EVO装扮既凌帅仲有几部大小改车展开拉锯战,盐田港方向有好多红绿灯同好多货柜车,所以大家马力上既差距都吾系太明显,一路上我都基本上KEEP住部车最高转数换挡,紧紧用灵活既车身优势钉住部3000GT同台凌帅系后面周旋,的威姿同捷达SUV吉普等只有无奈甘比我地插黎插去,好奇怪,深圳既车友砌街....红灯竟然会好遵守纪律甘停车,等候绿灯再起步,马力细既夏利系前段争取翻黎既少少优势顿时又消失得无影无踪,试过几个灯位差的收吾住队左埋前面的车到,但系兴奋既激素已经麻木左我既思想,脑里面唯一捻住既就系死追,所以都吾知个惊字点写,后面大发同无良距地都同后面既车群既M6等展开左追逐战,你试想过70几台改车系山路转而到公路既追逐系咩场面?果种场面只有系电视剧里面先有机会体验到!而我地依家就系身在其中,系车群中既一员,慢慢甘到左空旷的既大直路,的大马力开始展露出距地马力上既优势,尽管我部车当时已经去到130既高速,但系对住的怪兽已经无力招架,的大C数开始全数超越我消失系视线范围内,我只有KEEP住100以上系货柜车之间穿插尽赶前面既车群,后面既车群里面系我倒后基本上只剩下零零散散既数台跟系我后面,终于挨到三洲田盘山公路,第一集团已经系果边集结同开始上山,我将台车泊系山边,望住后面一群一群既车蜂拥而至,简直兴奋到毛管都栋晒起身,等埋我地广州另外几台车,我地都决定尽快上山顶汇合大部队,一路上我带头超过左好多可能过黎睇热闹既原装车同小改既街车,因为之前对三洲田已经有过几次接触,所以好多弯都敢放尽甘开油,由山脚到山顶我都吾知超左几台车啦,终于到山顶,一到山顶范围附近,山边已经停满晒车辆,几经艰难先稳到位停车,我先发觉我台车车头左手边冒出白烟,一睇水温表.....原来已经指到上红区,顶~~挂住追车同剁车,自己台车爆晒水温水滚都吾知,失败.....拿拿声稳左个位停车休息下,大发~火咀~无良等广州车友相继赶到,大家泊1车后开始徒步去参观依个深夜举行既盛大改装车展!
最令我兴奋既就系我见到一部我既同胞,一台红色既小改夏利,距最令我印象深刻既系距过我果一种气势,系盐田公路红灯起步,我将台夏利所有马力一点不剩甘压榨晒出黎,眼见比部3000GT开始慢慢拉开距离,无奈甘开始目送距既果一刻,一够红色既物体系我右边呼啸而过,我一眼就认出左距竟然系一部无尾夏利.....吹涨~我系车里面大叫"夏利啊!!!!"小濠系旁边不可思议甘讲......吾系呀嘛????大家一起红灯起步,距仲要系我后面,短短几十米既加速距离,距已经可以用甘高速系我旁边超车,果种感受真系我未试过既,小濠死系到叫我开油,我望一望个转速表.....已经去到4千转既红区,无可能再快,只可以送距慢慢离开我视线,最后一眼我见到既竟然系果台红色无尾夏利超越左蓝色既3000GT!!简直睇到我傻晒~后来去到山顶先知原来台3000GT爆追箱,马力发挥吾尽,所以先会系大直路比台夏利超车,而台夏利原来竟然系小濠既朋友既朋友揸既,系山顶我地走左过去参观下距台车到底搞左的咩甘快,一见面原来个车主都识得我既,系以前东莞斗摩托比赛果阵就已经见过面识得!大家倾落先知,台夏利换晒引擎落晒绞牙避震,车架经过整体强化,制动方面换左好大只既开坑碟同大卡钳,大铃同阔胎依的就更加系例行工作啦,至于动力方面就先卖个关子.....吾讲得!!后来系后山我跟过距走一段路,距满载4人既情况下,系上坡路段一开油竟然可以系甘同我部车拉开距离,无论我点开油都系比距无情甘放开,果一刻我先感觉到马力既重要,依的系系白云山体会吾到既感受!落山道我部车制动力不足,所以只可以靠行准确既线位同靠拖波黎减速,面前可以跟的大车玩下,但系一掉头行翻回程既上山道既时候我简直有种想死既感觉,部车好似踢都吾去到,望住刚刚劈得好顺好靓既高速弯,依家只可以用蚁爬甘既速度爬翻上去,部车点比油都系开吾快,开部夏利甘耐第一次正面甘感觉到马力系既甘重要,就算用技术都系彌补吾到既缺陷,系白云山都未有甘强烈既感觉!
依次深圳之行受益良多,学到好多好多野!深圳既车友玩车都好文明好有风度,系双向只有单车道既山路里面,除左超车,一般时间都会行住自己条车道,吾会左摇右摆用埋对面线车道,避免左好多危险既发生,快车系后面超越慢车,一闪高灯,前面既慢车会好礼貌甘礼让后面既快车超车先行,绝对吾会生人霸死地啊住条线吾比你超车,因为系山到路黑,一般大部分车都会开远灯,但系一有对头车会车经过既时候大家都会好有默契甘打翻低灯,尽量避免影响到对面线车辆既视线安,砌街既时候红灯都会停低等灯,吾会成群车甘系街到冲灯造成危险情况既出现!你有困难系路边无论识吾识既都会有人埋黎问你需吾需要帮助!深圳玩车既风气同次序都非常甘良好!好值得我地去学习~
大概今晚见过既车型:宝来,威姿,M6,POLO,思域EG,思域EK,雅阁,哈飞赛马,北斗星,思柯达,GOLF,佳美,扫把佬仔,夏利,美日,QQ,ES300,R34GTT,型格DC2,披露,3000GT,司力架,三吉,凌帅,GS300,奥得赛,丰田大霸,飞度,金杯,N部SUV,皇冠3.0,公爵,风度,平治,宝马等.....全部加埋大概过百台车! |
|