发信人: lovely_max(要等到几时啊)
整理人: kinnyyang(2004-07-20 11:17:20), 站内信件
|
HI,各位。
潜水了很久，学了不少东西。
近排，爱上花花草草。屋企都养左唔少。虽然讲唔上珍品，但好似我老窦话斋间屋好似园林局，周围都系绿油油的。双亲退休后无乜世艺，靠玩玩衣D度吓日神。而我，就将养花花草草作为同父母的沟通渠道,无聊时打发时间。每日落班，麻麻木木锦番到屋企，吃完饭就想训教，电视又唔想体，日头番工整天对住电脑，眼睛好累。衣家我就淋下花草，修剪下D坏叶，喂下鱼。同阿爸阿妈交流下养花养鱼经，虽然讲唔上孝顺，但总比相对无言要好得多。起码大家都有共同0既话题， 有时见到出左绿芽，开左花，又或者条鱼顺产生左几十条，都会为屋企增添唔少0既欢笑声。
上个周六，同阿爸阿妈去芳村花鸟鱼虫，见到有D鸡蛋花树，但都好大盘。我好想买盘番屋企种。一见到鸡蛋花树就特别觉得亲切。以前婆婆屋企门口都种左棵，一到夏天，婆婆就会将掉到地上0既鸡蛋花拾起用来煲茶给我喝，解暑清热。而且以前天未光，婆婆就会拖着懵懵懂懂的我去晨运。
华侨新村果度有好多鸡蛋花树，经过一晚，通常草地上都洒满鸡蛋花，黄黄白白锦，花瓣上仲留有晶莹0既雾珠，而且仲有淡淡0既清香。于是我地俩婆孙夹手夹脚将D鸡蛋花拾起放入早有准备0既胶袋，个胶袋马上胀卜卜锦。之后，婆婆就拖住我离到一个空地，同其他公公婆婆一起弯弯腰，伸伸手，摇摇头。之后又拖住我去买早餐。
就锦样过左几年，我都开始读小学，无再跟婆婆去晨运。但婆婆依旧日日去华侨新村锻炼身体。可是很不幸，某日晨运，倨被车撞亲，跌断左左脚，从此走路一拐一拐的。 唔可以再行华侨新村，只能企屋企门口前果块小地做D伸展运动。从此我都无再同倨一起拾鸡蛋花。年纪渐渐大，我D注意力都去晒果D所谓0既偶像到。而婆婆0既身体越来越差，但每次我番去，倨都笑眯眯锦迎接我。
如此又再过左好几年。记得果年系我高考果年，从珠海玩完番离，一入屋企，发现老爸面色很深沉。倨好平静锦讲左句：婆婆琴日走左......我知道衣一日迟早会到，因为婆婆最后果几年撑得都好辛苦。就锦就走左，留下0既只系种种0既回忆。
转眼又几年，我都做野喇。衣家又见到鸡蛋花树，不禁又林番以前细个个时。婆婆去左禁耐，我都无番乡下拜过倨。不过有时晚上，一想到倨就会泪湿半边枕巾。可能觉得惭愧同不肖，促使想我买盘鸡蛋花番去缅怀下婆婆。好不容易找到盘细细地0既，但都成30几斤，而且又唔系禁好。所以阿妈坚决唔买。我就死都要买，话最多自己挪。一番较量下，我终于买左果盘鸡蛋花番屋企。但就辛苦到死，半途仲断左两片叶。
衣家盘鸡蛋花企我一家0既呵护下，快乐成长，不断飑芽，长出新叶，但就未开花。嘻嘻，黄白0既鸡蛋花，期待ING……
|
|