发信人: fenny_style(肯*定*爱*宝)
整理人: bb.1981(2004-07-23 13:39:09), 站内信件
|
我地养狗狗,首先要帮距地打预防针;
但当打针后不慎比距咬亲时,如果只是损左小小皮,唔流血嘎,一般系屋企处理下就得嘞。
处理方法:
先用番简清洗干净伤口,罗双氧水涂系伤口度消毒,再搽番D碘酒就得啦!
之后几日嘎处理同普通伤口处理一样消毒下就得嘞,但伤口最好唔好包住距,要充分嘎透气,宜个好重要噶。
如果个伤口流血嘎,就要小心D嘞,虽然狗狗已经打过针,但毕竟距中意到处钻嘎,都系小心D好。
系屋企度应好似上述甘嘎处理后去医院打针,但如果伤口太大,流血太多时,应立即打车去附近嘎医院或防疫站度处理,打针。
一般打嘎针分两种:狂犬病血清、狂犬病疫苗(疫苗分国产、进口)两种。
由于衣家广州市D狂犬病血清已经缺货,所以多数去到,医生都系帮你打疫苗嘎。
血清系一种将狂犬病毒接种系马嘎血液度(这马系唔会发病噶),通过马自身嘎免疫系统,使马嘎血液产生一种抗狂犬病毒嘎成份,再过滤后制成嘎药物,系一种解毒剂。距可以迅速解除人体内嘎毒素,系最有效同快捷嘎解毒药。距通过计算你体重来决定打针嘎剂量,一般越重嘎人注射嘎剂量就越大。
疫苗系一种基因制剂,距注射后通过人体自身嘎免疫系统调节,而产生抗体抵抗毒素噶。距唔需要睇你嘎体重,一般每次打一支。(以下系苑苑提供嘎资料,我懒得就懒嘞 :p )
1-3-7-14-28
即系:第1日打第1支;
第3日打第2支;
第7日打第3支;
第14日打第4支;
第28日打第5支;
一共五针 (每针都系一样嘎药,但一定要打晒距,因我见过有个细路打剩最后一针,妈妈唔得闲带距去医院打,捻住打少支唔怕,但个细路就因依支针而发病死左嘞。所以大家唔好轻视,一定要按时打完距)
国产180左右(打完后要抽血化验。化验费另计)
进口好似系300,唔使化验
一般打过血清针嘎人都知道,试针后,将所以药液一次过打晒就得嘞(注射部位系屁股)。但疫苗就要分开几次来打,相隔天数,少量多次嘎注射,使人产生抗体抵抗毒素(注射部位系手嘎三角肌)。
关于打针嘎时间:狂犬病一旦发病死亡率系百分百噶,伤口越靠近头部越严重,越快打针就越好,因一般咬左人嘎狗狗会系7日内死亡,所以血清最迟唔好超过2、3日(即系48~72小时),疫苗最迟唔好超过7日,一般医生都会劝你即早打针,但有个别人会迟迟考虑下,先去医院睇,但如果超过7日后危险性就大左,再去打疫苗效果就唔多理想。
其实最好系先打114查询你所地最近嘎防疫站,直接去,甘会快好多,因依D针系防疫站统一管理嘎,医院系无药。你先去医院睇病,最后都系要去防疫站度买针噶!要主意嘎系打针前一定要食饱野,空住个肚唔打得针噶,最好系稳多2个人陪你去,一个帮你系医院办手续去交钱,一个帮你买野食,甘可以省好多时间嘎。一般介口嘎野打疫苗嘎簿度有写嘎,自己注意就系嘞!
以上系我工作上对依方面识嘎小小知识,因唔系睇书抄嘎,可能有D野会讲错左或漏左讲嘎,请大家多多包涵,指教。
虽然我见过好多因此发病而死去嘎病人,但宜个唔应该全系狗狗嘎错,所以希望大家真系用心嘎爱距地,唔好因为距地做错左小小野而打距地,抛弃距地。
---- 我嘎挚爱
可惜唔系我噶!!恨下都好!!
|
|