发信人: mywinne(winne)
整理人: cutecat(2004-08-04 07:44:35), 站内信件
|
抵挡吾住美版JM们的引诱,前日一落班就飞去华联买左一支洁面膏,一支美白水水同一支美白乳液,一共先226,超抵~~嘻嘻~
首先讲下我的皮肤先,我系混合偏干,都几干果只,前两日擦碟妆既粉居然会离,有黑头但毛孔吾算粗,平时用开硕硕果,觉得干。
主角来啦:洁面膏系有粒粒的,好多泡,有小小冰凉的感觉,洗完觉得好干净,又吾会“慢慢紧”;打铁趁热,用完洁面膏就跟住做左个白泥MASK,哗,即时黑头吾见得七七八八,开心死!!美白水水我觉得有小小酒精味,不过用完之后觉得毛孔真系细左小小,吾知系心理作用呢,嘻嘻;乳液我用就觉得有小小立,不过等距吸收完就会好好多,早上醒来,哗,皮肤变得好有水份,好有弹性,完全系意料之外,搞到现在好鬼死钟意照镜同摸块面,因为真系好滑。白天用我谂要加控油果PART,所以打算买埋距的控油乳液(其实见到系水状来的)。
总的来讲我觉得补水效果非常好,收毛孔都吾错,美白就暂时未睇到,因为先用左两日,OHOH~~会KEEP住用!!
PS:我用之前果晚用左兰芝的过夜面膜,呢个我平时都有用,觉得无乜效果,相信吾系距的功劳!!呵呵!!另外,琴晚经过广百,问过最低先可以打88折,哗,相比之下,5折,真系抵到烂。
写完啦,第二次写报告,吾系好识,写得吾好,见谅见谅~!!
---- <img src="http://cimg.163.com/lady/0308/14/m6.jpg " > |
|