|
发信人: gamba(ガンバ戦略中) 整理人: ssxia(2004-07-05 14:11:01), 站内信件 |
| 三国志X都出埋啦...三国志系列真系够晒人气..够晒长气..有新GAME点解唔玩呢?无他嘅,旧嘢都有值得大家玩嘎嘛..就好似"霸王大陆"呢只咁经典嘅游戏呢..
因为有FC版同PS版,而NAMCO经典游戏呢只碟里面收藏晒..所以马上落街,唔系跑去买三国志X,而系去二手碟嗰到揾呢只碟先..翻到屋企,将只碟放到PS2里面,插入PS记忆卡,开波...... PS版确实精美咗好多..当然啦,八位机有点及三十二位机呢..虽然系PS版,改过唔少,但绝对冇减少到游戏本身嘅精彩程度..而且城同人都多咗好多..难度亦稍微提升咗吓.. 选咗普通开始游戏,然后就拣咗刘备开波.霸王大陆PS版里面最强其实当数孙坚,然后曹操,最后刘备..点解?慢慢讲..唔使急.. 189年一月,刘备三人继续得嗰两千几兵,当然一开始就要买翻750兵来补充一下..然后就要同张飞同刘备读读书先..可惜本城冇得读书..所以只好搬家..去旁边嘅上党城,暂时落一下脚先..开始当时确实冇乜钱,所以多搬几座城确实有数为,因为空城里有钱.应该多多利用..有钱唔攞就傻啦.. 当刘备同张飞读好书,粮草充足之后,就系时候确定第一目标,占领公孙赞座北平城了.点解?因为赵云戏系嗰到出来咯...作为游戏里面第一武将,赵云系不可缺少嘅..更因为系五虎之一呢...好好运用刘关张三人,将座北平占领咗之后,就等时间过,到咗191年赵云出咗来之后,第一步完成... 当然,开始其实唔算难,就算一开波电脑就攻过来嘅话,其实一件关羽就可以搞掂晒..小担心..系赵云来之前,公孙赞嘅人有几件都用得吓,开始人材少,蜀中冇大将,廖化当先锋,能够读书嘅话,其实已经唔错嘎啦..当然袁绍打来嘅话,降翻颜良都几好用.. 刘备其实有两个人最重要,亦可以讲系呢嗰游戏最重要嘅两个人..一个系赵云,另一个系诸葛亮....有呢两件,无敌.. 所以第二步就系去揾诸葛亮..系边到?先去占领南阳同襄阳再讲...可惜揾到赵云之时已经系北平..去呢两处地方确实远..不过冇办法啦,为咗诸葛亮..几远到要去..所以,尽可能一路打到落襄阳..虽然刘表人多将广..而且仲有黄忠等猛人...唔使惊..慢慢你就发现电脑其实比FC版仲要傻,原来系唔识读书嘅...所以好轻松咁你会搞掂埋刘表,最好攞埋把龙牙刀添啦.. 占领咗襄阳同南阳,就要等时间过...慢慢搞好建设..等揾完徐庶之后等诸葛亮嘅出现..当然一手搞建设,另一手就搞离间..因为电脑会开火打得好犀利..而马超之类猛人绝对会出现系战场上,一当佢地被俘,就系最好机会..搞埋马超翻来嘅话又离自己嘅霸业近一步了... 当五虎全部系齐到,诸葛亮亦揾埋嘅话....唔好以为就打得,因为诸葛亮经验太低,要多打几场硬仗先得..当增加到200左右经验之后,奇门盾甲呢条计有埋嘅话,先可以疯狂开战.. 霸王大陆最重要嘅一样其实唔系赢..而系要赢得好睇..例如一兵不失占领城之类..不失兵守城一样.... 五虎齐晒,诸葛亮都有晒经验嘅话...呢嗰世界就系你玩晒嘎啦...一年之内就可以实现霸王梦想了... 刘备相对曹操同孙坚来讲..主要都系太缺少人材..来投靠嘅人能力相对比较弱..如果唔去努力揾人或降多几件猛人嘅话,其实相对难玩..曹操就唔使讲,孙坚不但自己一族人才辈出.//最强就系投靠自己嘅人之一有周愉...更重要一样就系地头好..比较偏南..而且人材多... 下次用公孙赞嘅话应该有得玩吓... ----  |
|
[关闭][返回] |