|
发信人: cappuccino_lau(深海石斑) 整理人: ivan_xiao(2004-05-17 09:00:29), 站内信件 |
| 是日休息，约上一班叼友杀上南泥湾，去到一睇，由于前段时间落狗屎，搞到原来干过既塘水涨不少，连我地钓开既2号塘D钓位都浸过。听南泥湾个经理讲寻日D鱼开晒口，有人起十四斤既草鱼，都未算犀利，竟然有条粉肠起6斤3生鱼喔！都唔知系吹水呢抑或系个到把称唔准！不过肯定既系，今日实有运行！
我地抓紧时间，开竿，开料！开工！自己两支海竿、一支4.5，海竿用喂鱼既小麦加南北谷麦加面粉，4.5用三鱼鲫加三鱼鲮加鲮鱼香精。海竿主攻草鱼，手竿攻鲮鱼。哇！掂啊！两支海竿轮番上阵，忙到阿妈都唔认得！话甘快就起佐5条草鱼，最细都有斤几，大既有成五六斤重。而我支4.5亦唔执输，两条土鲮、一条泰鲮，仲有一条草就甘样收皮！而我旁边D老友都唔执输，手竿起草起到手软，其中有一条玩佐成十几分钟先上岸，条友可能昨晚做过D乜野粗重野，竟然递支竿俾我，叫我帮手同条草搏住命先，等距摊抖下！ 钓到甘上下，突然林到一样野，六七！要称鱼未死得人多？未搞，拿拿林将D细既放生，唔三唔四既送俾隔离无运行既钓友，自己就留番D好野！ 我发觉今日手竿用既料唔错，无乜细蚊仔搞搞阵，D鲮鱼又肯埋窝。 上天好公平，往往开心的背后就是噩梦既来临！是日我地经历了从地狱到天堂，又从天堂到地狱！话说中午时分，一D风都无，热到只狗甘，剥光猪又怕晒伤我幼嫩既肌肤，真系除又唔系，唔除又唔系，仲惨过落地狱，无晒心机。好啦，下午三四点，天公造美，收佐热头，清风阵阵，将中午所有闷热赶走晒，以为又系一个好既开始啦，谁不知清风变成大风，吹到水面起晒白头浪，连漂既动作都睇无到，加上我地既系下风位，抛竿都成问题！死得！都未算！跟住一片乌云话甘快就过来探我地，未来得切执野，倾盆大雨就甘向我地落，搞到个个乜野都唔理，一人抓住一支竿就冲入餐厅避难。好彩我有先见之明，将D乜袋物袋霸住个淫篷，唔使湿晒。点解入去避难都要带埋支竿？班友仔烂瘾到避鱼都要走到餐厅房间个阳台到叼下，就算无运行！就算湿湿身！只要俾我过下手瘾，乜乜就乜乜啦！ PS：个到D芒果就快熟了，下星期再去观察并争取鼓起勇气叫人试食！ ----  |
|
[关闭][返回] |