发信人: horacelaai(Horace)
整理人: plcool(2004-05-08 21:39:11), 站内信件
|
我真系唔觉得距唔掂！
每个球队都有两个后卫，
Payton虽然话係控球后卫，
但系你睇睇湖人开波之后，
有几多波係由距带上去，
多数都系KOBE带嘅！
（如果你话距唔系控球后卫，
咁你就唔好用距同Bibby, Cassell, Parker比）
掂波次数少，助攻同得分自然下降。
以前响西雅图，
无强力嘅内线，
一向都系Payton带波，
自己射，或者冲入去分个波出来，
而家，带到去三分线附近就掉个波入去比马龙或者係奥尼尔。
数据上面肯定会下降。（你唔觉得距罚球次数都少咗么）
如果你有留意到以前距嘅打波方法，
你就知道距係要成日个波距抓住，
比距射，比距传，先可以出状态。
但系而家，个波唔到距手。
你睇睇马刺对湖人第二场，
第三节一开始，Payton就连入两波，
但系之后成几分钟，
距都无机会掂个波。
就算係奥尼尔，几分钟唔掂个波，
点可以到成场波都可以保持状态呢？
响湖人，距几乎係射波嘅最后选择，
至少响F4里面係咁。
湖人打得唔好，
我觉得关键係各个人各怀异心。
奥尼尔争取自己3000万嘅合同，
KOBE争取自己数据上好睇D，为下一个东家做准备。
其他球员（包括替补），要名（冠军戒指）有名，要利（合同）有利，
边个仲有咁好嘅进取心去博命赢波！
就系除了Payton同马龙（虽然我唔想提呢个人），
但系呢两个人又比战术限制咗。
你睇翻公牛皇朝之后，
边个球员（包括D替补同后生仔）
可以保持到状态呢？
之后火箭两获冠军之后，
进取心下降，都造就咗巴克利呢个悲剧英雄。
Payton同马龙，睇来都难以幸免了！
----
没有不停的雨，没有不来的黎明！ |
|