发信人: gzyacasu(咬你一口)
整理人: ivan_xiao(2004-05-01 08:52:28), 站内信件
|
我加入呢喥先係几日咋，介绍一个钓鱼嘅好去处，如果各位师傅去过嘅，我就係班门弄斧了，但勿见笑．
从渔沙坦走山路到天鹿湖，沿路山清水秀，风景迷人．各种特色山庄林立，不下十间．我就觉得呢间非常唔错．钓鱼佬选择佢就係一个理由：老细默许你放鱼．嗰个老细係河南人，正嚟紧第二春，态度都几好嘅．
喺嗰度钓鱼，如果你唔食嘢，又唔买鱼，即係唔使花钱嘞．但河南人知道嚟得嘅十有八九要食嘢．果然，节假日天天爆棚．我哋又点会唔食呢？呢度嘅菜全部係佢哋自己种嘅，你中意都可以去菜地摘，绿油油嘅青菜摘时你都想食嘞！仲有啲鸡啊鸭啊猪啊都係佢哋自己养嘅啊．最正嘅就係酸菜鱼了，千祈咪放过，如果你唔食得辣，咁就有少少憾了．嗰度啲水都唔错，是几十米嘅地下水嚟嘅，清洌甘甜，好多人打返屋企饮．如果你中意饮茶，咁就要攞定个大水樽嚟．
钓鱼用嗰度卖嘅颗粒料，或者用３１５颗粒料，非常煞食．如果有人想钓非仔，用老鬼都得．
交通方面，可以坐８４路长线车，到水库叫车嚟接；打车从天河客运站到嗰度三十鸡喥．自驾车时，山路崎岖，小心驾驶！
有住宿，一张嘢一日．
|
|