|
发信人: flitin(豌豆) 整理人: jonthen(2004-05-02 01:00:36), 站内信件 |
| 豆豆是我家的西施狗，它几个月大的时候就染上病了，开始的时候不肯食饭，又屙又呕，那时没什么养狗经验，以为只是普通的病，就比咗d BB食嘅药佢，点知越来越衰，仲呕血添，即刻带佢去麓景路间医院睇，唔记得叫咩名了，反正个医生姓徐（不建议去这间医院），医生同佢打咗支血清同葡萄糖就算了，当晚豆豆病情稍微好咗dd，肯食少少嘢了（几淡饭），但係后来又唔肯食，依然係又屙又呕，仲要係屙血呕血添，成只狗仔瘦骨如柴，有时仲抽筋添，见佢咁痛苦即刻又带佢去医院睇，因为果陣凈係知道果度有医院，所以都係去番果间，医生同佢探热，话佢发狗温，唔肯同佢打针，仲叫我放弃佢添，叫我比佢安乐死，我听到成个人呆晒，我死都唔肯比豆豆安乐死，医生同佢打咗支葡萄糖我就抱它番屋企听天由命了。
番到屋企佢都奄奄一息，成只狗仔落晒形（差唔多成个星期未食过嘢），个身发出阵阵恶臭，我老豆都想放弃佢了，但我同我妈坚持要佢，但呢个时候都只能够死马当活马医了，我妈就给了些人吃的头咆比佢，一日两次，一次一粒，后来几日都冇乜好转，我地成日惊早上起身或者放工番来见到豆豆离开我地，果阵我经常以泪洗脸，搞到d人以为我做乜咁，后来见它都不怎么行了，我地林住它太邋遢了，不如帮它冲冲凉，等它干净地离开算了，（理论上狗仔病紧的时候是不能冲凉的，但实在冇办法了）…… 点知！！！冲完凉之后豆豆竟然精神番d了，果晚我地食芒果，有只酸到不得了，我地就逗豆豆，睇吓佢食唔食，点知佢舔咗几舔之后竟然有胃口食番嘢了，后来豆豆病情就逐渐好番晒了！ 虽然，豆豆好番多数是靠运气的，所以我认为其它狗仔如果按照正常医治方法的话一定会更大机会好番的！！！所以主人千其唔好放弃！！！ 仲有我想讲的係医生话犬温热好番都有一定后遗症的，我豆豆好番之后就甩晒d毛，成只猪仔咁光脱脱，不过甩晒之后都好正常咁生番晒出来，所以都冇乜大碍，同埋喂药千其唔好更硬来啊，咪只狗仔会变得好恶的，果阵就係冇经验，又因为佢死过番生，我地唔舍得闹佢，时时都迁就佢，搞到豆豆恶晒，后来仲走失咗，搵咗几日都搵唔到，哭咗我几个星期，虽然已经过咗年几了，又有咗仔仔，但我依然好挂住佢，宜家佢生死都未卜啊～～～～希望有好人家收养咗佢啦…… 希望呢d对大家有d用处啦，就算係我地医治的方法唔啱，但都可以作为一个心理安慰，咁多狗仔都可以度过犬温热呢个难关，你的狗仔都可以咖！！！千其唔好放弃！！！ ----   
|
|
[关闭][返回] |