发信人: superjob()
整理人: lzyboy(2001-02-03 13:39:05), 站内信件
|
一早搭192过河北上班，去到白云路时个上海婆上车，一上黎就用手肘推开晒D人，夹硬逼开D人等自己有位企，因为我企係靠门口的地方，一开始我已经俾佢松咗几肘架啦。个上海婆想揾地方扶，可能就碰到企在佢前面个女仔的手袋，咁个女仔唔知係咩人，就以为係D“荷包友”，就大大声咁话：你想点呀？想打荷包呀？ 果上海婆听到之后就马上用佢果D半上海半广州难听到死的话发晒烂咋咁闹个女仔，仲係都係咁吹水，话自己日日送钱俾银行，D钱多到用唔晒等云云，成车人听到都话个上海婆係傻嘅，果女仔其实都已经唔出声，任个上海婆闹架啦，点知个上海婆越闹越过瘾咁，越闹越过分，咒果女仔咩“死老母”、“没老豆”等等恶毒粗口，果个女仔听到之后终于忍唔可忍就博佢一句：“你咁有钱就唔好逼车啦，笨！乜你吧口咁额毒架”。跟住两个人就越闹就越犀利，闹到去省人民医院果度时，上海婆首先动手，突然间打起上黎，（我就企係佢哋后面，我自然就不能幸免于难，又唔知俾边个松咗我一拳）好采马上有人黎阻交跟住个上海婆仲唔肯收手仲係咁对住窗口大叫：“有人打阿婆呀！有人打阿婆呀”，一边大叫，一边係咁抓住个女仔，系咁打人，而个女仔就係咁避开佢，就係咁样係个车站搞做成10分钟，后来终于把两个人分开，将个女仔拉到我前面，而个上海婆就拖到后门，人就分开咗，但係个上海婆依然係咁用D非常恶毒的粗口闹个女仔，个女仔在大家的劝说下始终没讲一句话。个女仔去到农林下路落车，经过后门的时候，个死人上海婆竟然吐口水到个女仔身上！！！哩阵时大家终于忍不住了，齐声指责个上海婆，人人都闹佢欺人太甚，上海婆此时仲唔罢休，成个八婆咁係咁嘈宣巴弊。
真係想唔到一句“你想点呀？想打荷包呀？”就咁一句好一般的疑问句，竟然搞成咁，估唔到上海这个全中国最先进的城市出咗一个咁小气、咁唔讲道理的人，简直就侮辱咗上海这一个大城市，以前我听人哋讲D上海婆好鬼死小气架，我唔信，但系经过经今次我就信到十足啦！ |
|