发信人: dkny-dkny(流过眼泪的心)
整理人: franklin6610(2004-03-30 01:06:10), 站内信件
|
住Hotel要注意嘅地方!!
酒店的确系会有好多怪事发生. 我朋友喺理大既酒店管理毕业, 佢讲左好多关于酒店闹鬼既野俾我知. 喺度同大家分享下....
1. 成日听到啲酒店闹鬼...点解啲酒店咁多鬼? 原因系 好多人锺意喺酒店自杀. 因为死左会有人发觉, 又唔会整污漕自己地方. 佢地做酒店(特别系做reception既)会留意住客既出入. 如果发现住客两日都无出过门口, 打电话去房又无人听, 就要一个职员加一个主管级人员一齐用后备锁匙开门入去, 睇下系咪出左事. 要两个人一齐入去既原因系可以互相做证人, 如果间房唔见左野都可以有人证....
2. 如果真系有人喺酒店自杀, 酒店系唔会打九九九. 佢地会用特别渠道将条尸送走. 特别渠道唔一定唔合法, 总之系一啲唔会俾传媒知道既渠道...因为好多传媒都锺意偷听九九九频道去抢新闻. 为左防止传媒报左出黎而影响生意, 好多酒店都会咁做.
3. 我位朋友仲教我几套住酒店守则, 世界通用.
a. 住酒店一定唔住走廊尾既房. 酒店唔系永远都爆棚, 当唔爆棚既时候, 酒店会由电梯大堂开始一路将房间分配出去, 咁做既原因系将住客集中, 方便清洁同执房等等. 所以相对黎讲, 走廊尾既房间人气会较少, 容易招惹啲污漕野.
b. 入到房唔好将啲柜桶打开晒. 好多人好锺意一入到房就将柜桶打开晒, 睇下有啲乜野....咁样其实好易「迫」啲污漕野出黎....鬼都怕人, 如果间房真系有鬼, 要留返一啲地方俾佢匿埋...
c.训觉最好着返一盏灯. 好简单, 俾返少少「阳气」间房喎...
d.见到间房有圣经, 唔驶惊. 但系如果见到本圣经打开左, 就要换房 间房有圣经有可能系因为宗教信仰问题, 未必系同鬼魂有关. 但系如果本圣经系打开左, 就表示间房唔干净. 因为打开既并唔系求其一篇经文, 会系一篇驱鬼既经文, 所以最好换房. 若果真系迫不得已要住, 记住唔好懒有手尾咁合返埋本圣经!
e.假如一入到去就发觉好唔舒服, 最好换房.
f.假如有啲好夸张既事发生, 例如张床震, 电视／灯自己开关, 柜桶自己打开等等, 唔好谂, 宁愿转酒店都唔好住. 因为可能你已经唔觉意得罪左「佢」....
希望以上既数据可以帮助大家住酒店住得安心, 住得安全
|
|