发信人: wenben7(睇住wenben7)
整理人: lzyboy(2001-02-03 13:43:28), 站内信件
|
我从江南西搬到来呢头已经有几个月了，本来以为西关作为广州市老城区当然系咩都好d啦，点知住落先发觉叫呢头做乡下地方一d都吾过分，点解呢？
原因一：
买东西极不方便。我住系长寿路地铁站口，本来就绝对系旺区拉，但系点知系呢度最多卖的就系果d“一文一件，全场任拣”“租约期满，要钱吾要货”，或者系果d三两文买到一大堆的东西，质量差吾使讲，d态度仲恶劣，卖报纸的都可以疾到你飞起既~~~货舱商场奇少，最近的好又多都要去河南前进路果度，同江南西果阵一落楼就有两家简直系天同地。
原因二：
买菜极不方便，虽然呢度市场系多，但系都系买三两样野的小市场，大d既市场（多宝路街市）就日日人头涌涌，d野又贵，所以买菜又好吾方便。
原因三：
买书、买碟要跑到无雷公感远，我而家要买电脑碟，起码要搭两个地铁站去西门口中六果d买，买cd就更加要去到越富添，同以前走几步就可以去万国就差得远了。买书就更加麻烦，找遍成个西关都无咩书店，我发现最近的就系上下九果间，我都好奇怪，江南西感短条路都有几间大书店，吾通呢度d人真系吾使读书既？
原因四：
呢度d人做生意洋溢住广州小市民果种风俗习惯，咩都开高价，连买条电话线都要讲价，如果你吾讲真系会买贵野，不过即使讲左都系会比其他地方贵d。
原因5：
交通繁忙到死，条条路都系单行线，人又多车又多，前果排上九路一整就整左成半年有多，搭车经过一次果度就耐咯，不过好彩有地铁，如果吾系就更加吾使出门口咯。
总之西关就荟萃左广州几十代人既智慧精华，如果各位大佬想搬来的话，我奉劝各位拉，河南都比呢度好得多阿~~~
----
睇住!
睇住wenben7
|
|