|
发信人: victorlv(大胃碧甜) 整理人: mathis1222(2004-07-28 16:49:40), 站内信件 |
| 随着碧咸既远走，92一代其实已经难续辉煌。亦系呢一代球员令曼联系英超称霸整整10年。一转眼就10年了，92一代亦都由一班黄毛小子成长为一代巨星，而且已经纷纷年届30，不同程度地走起左下坡路。碧咸虽然系他乡再创事业，而且生活得几潇洒，但系就被迫住打一个自己并吾擅长既位置，将自己大部分既精力投入并吾擅长既防守中，传中波同死球都无以前甘精准了。可以讲，除左斗志，距已经吾系以前既碧咸了。史高斯可以讲系曼联进攻体系里面最不可或缺既元素，经历过4411既阵痛之后，好快又恢复番自己既水准，但系今年除左自己既伤病之外，又有其他队友既伤病，再加上碧咸离开后一段时间边路既空虚需要距做替工，令距今年之内几乎打过晒中场所有位置，状态越来越低迷。而且到今年11月份就年满30，状态几时可以恢复又可以维持到几耐，真系一个未知数。幸好系距呢个位置上曼联有两个新人，一个系基巴臣，另一个就系费查。讲到毕特，真系觉得有D可惜，一直生存系别人既影子底下，本来旧年有望接坚尼班，但偏偏伤病缠身吾在讲，自己亦稳吾番以往既状态。依家既毕特可以讲已经渐趋平庸，防守拖得太后，后上进攻同长传、远射又无晒，往往曼联上距打主力DM既时候，曼联既防守都显得好被动。毕特系92一代里面跌得最犀利既一个。加里仔系最有希望接过坚尼队长袖标既一员，打不死既斗志同必胜既信心，同碧咸好相似，甚至更好。但系碧咸远走之后，距一直同新既右中场磨合吾到，缺少左以往恰到好处既插上助攻，往往罗住个波就系45度既斜传，虽然偶然都能够出到靓波，但系甘样正面而离既波却系对方后卫最中意既。加里仔依家最需要既系走出碧咸既套路，尽快同新既右中场跑顺个机头，吾好以大佬自居。飞猎仔系92一代里面最年轻既球员，亦系最可爱既一个了，一个人打过晒中后场所有既位置，球队最需要既位置，往往距都能够填补到。个人认为距最理想既位置都系防守中场，防守凶狠，用波亦都吾错，但系始终身材吃亏，往往要付出比其他人多好多既体力，所以每到比赛6、70分钟既时候，我就会大叫：费蛇！换飞猎仔！可以讲，飞猎仔到呢一两年先到左最显赫既时候，但可惜，其他人已经跌紧，距既状态并无为距带来相应既回报。纵观92一代为曼联带离左众多既荣耀，但亦系呢D荣耀令曼联固步不前，曼联似乎变得越来越保守，好难再好似92一代甘一下涌现一批优秀既新人，吾少有潜质既新人亦都难以抢走距地既位置而远走高飞。所幸今年尽管战绩不佳，但系仍然出现左几位优秀既新人，希望距地系未来10年里面能够再现92一代既辉煌。 ---- 曼联新生代 
"I hope this match never ends.When the match ends,remember is beginning." "Nothing has changed,the same time,the same faces,the same path.Will I see you again?" |
|
[关闭][返回] |