|
发信人: l_helen(小乖狗军团团长) 整理人: jonthen(2004-03-09 17:37:37), 站内信件 |
| 呢几日无心机上相,因为妈妈的细姨心脏病发,半夜过身了.
生命的脆弱在那一刻体验的淋漓尽致,只是几个钟而已,就生死两隔. 记得细个由北方返来广州度假,多数就住响呢个姨婆家,佢当时仲住西关. 家中仲有水井,夏天买来水果就用桶装咗放入井里,比家阵的冰箱好好多嘎. 记得自己第一个公仔就系佢买俾我的. 记得每年去佢屋企拜年,就可以食到好好味的罗卜糕...... 伴侣的分手,只是哀伤,因为你知道在世界的某一角落,佢仲沐浴在阳光下,你可以继续爱佢,或恨佢,或忘记佢. 但伴侣的死别,就系在呢一世的缘分完结,留下的只有心痛,悲伤,只有无尽的回忆,同埋间屋里边留有佢的气息的空气. 无时无刻,你都会想起佢,想起一起度过的漫长岁月. 而之后的日子,就只有自己独自度过,早上去饮茶,晚上去散步,身边只有自己的影子,而没有了伴侣. 生命的开始,终结,千百年的轮回. 
 ---- 
|
|
[关闭][返回] |