|
发信人: marco_0708(Marco在路上) 整理人: nikkosport(2004-06-09 15:31:17), 站内信件 |
| 位置：河南滨江东路黄金海岸水上乐园旁边，响正家谊超市隔离。
前日同个F去食饭，之前试过D咖啡，觉得几好，于是决定再去试下D西餐。 上到二楼，环境几唔错，而且人好少，倾计一流；入边纵有间雪茄房同红酒房（好小资）。睇下张餐牌，西餐品种好少，主要以红酒为主（居然连羊扒都无）。 点左个煎银雪鱼扒套餐，108元，配意大利蔬菜汤、白葡萄酒、蓝山咖啡、意粉；个扒好正，唔似一般银雪鱼扒感漏，值得推荐，咖啡反而一般，感觉上无散点D正； 泰式红咖喱鸡饭，好似系30几，够晒辣，但唔够香同甜，泰式咖喱又香又辣又甜的精髓无体现出来，不推荐； 水瓜柳烟三文鱼，好似系35，D烟三文鱼几正，不过份量少左D，推荐； 本来点左杯巴西山度士，不过后来发现套餐有咖啡送，所以想唔要，虽然侍应话已经做左，但都帮我地CANCEL左，比左我地一个好好的印象。 最后埋单184，无论响河南定河北都算好中上的消费，感觉西餐出品唔错，但品种少，而且价格几贵，睇来定位都系比人来饮红酒或叹雪茄，顺带食也，环境几好，服务到位，经济允许的话不妨考虑下 ----  |
|
[关闭][返回] |