发信人: ambro(~^神神^~)
整理人: cywx(2000-12-23 00:09:00), 站内信件
|
健康生活：煙民必讀寶鑑(上)
有不少年青人為得到身邊朋友的認同以及表示自己已經大個仔，都會嘗試吸煙。但係大家有冇諗清楚自己究竟點解要吸煙呢？表現自己？扮成熟？其實吸煙真係弊多於利，大家一定要知道！
【肺癌機會升】
相信各位醒目的i-少年都應該知道吸煙對健康係百害而無一利，對煙民而言，頭號殺手就係肺癌。肺癌絕對係致命的疾病，加上吸煙會影嚮身體其他器官，所以大家千祈唔好試第一口煙。
【開口見黃】
由於煙草含有尼古丁，尼古丁會令牙齒變黃，所以普遍的煙民都會唔會有雪白的靚牙。男人老狗
o的牙黃少少都還可以接受，但試問一個靚女又點可以擁有黃到好似一千蚊o既牙呢？分分鐘嚇死人！真係見到都食唔落飯啦！
健康生活：煙民必讀寶鑑(下)
【臭臭煙味】
好多女性都鍾意噴香水，除o左可以散發陣陣優香，炎炎夏日，仲可以趕走「小狐仙」。但假如你係煙民的話，你身上自然會散發一陣煙味，想咀啖你o既男朋友或女朋友，都好難！
【累己累人】
唔好以為，淨係你吸煙，其他人就相安無事。其實你身邊o既朋友、家人以及伴侶都陪你一齊吸煙，分別只在於佢o地係吸二手煙，咪以為二手煙冇料到，查實二手煙對身體o既影嚮，絕對不下如於吸煙者。如果你身邊有細路仔、老人家以及大肚婆的話，就大鑊喇！因為二手煙對佢o地影響好大，胎兒仲可能會體弱多病，情況嚴重者可能會養唔大。
【後記】
既然吸煙咁多害處，又乜著數，各位聰明o既i-少年點解要咁蠢呢？不如將多餘o既精神做o下運動、讀o下書，唔係仲好咩？
|
|
>>讲饮讲食>>健康生活：煙民必讀寶鑑