发信人: jakky96()
整理人: happyboy_xn(2004-03-29 14:19:20), 站内信件
|
再见我的初恋
前言
见到呢个题目，好多人都会想起容祖儿的《再见我的初恋》呢首歌。“再见我的初恋跟你一起也不枉，未曾乘风出海怎破浪，过去，每幅风景请你随时拿着看，别忘记你我要继续放。。。。。。”无错，我要写的就是发生在我身上的与呢首歌差不多的故事。
人们经常都讲：“时间可以冲淡一切”，大千世界里，常常有一D令人迷茫的事情发生在我地身边，困扰住我地，我地对之可谓“触手无策”。所以我地只有让时间做正，去为我地冲淡呢段感情。在现实世界中是如此，在虚拟世界就更加悟使讲啦。
QQ上认识
曾几何时，我在QQ上认识左距，（认识距过时我系18岁，刚高三毕业。而距就比我细一年）距叫娟，是响佛山某重点高中读紧高二咖。至于我地两个点样认识的，具体细节系点，我就悟系好记得啦，我净系记得果日天落住雨，而且连续落左几日，落到个心都烦埋添，搞到我心情好down，又呆响屋企无野做喔，百无聊赖，就干脆上网打发时间啦`~（我想响度插一句先，我响我部电脑上设置左只要我一上网，个QQ就自动打开的，所以我每一次上网，个QQ就一定在线！）由于我响学校住宿，好少时间响屋企，只有星期6，日放假响屋企，所以无装宽频，我只能够用“猫”拨号上网。（果种速度慢到离晒谱，只要同时打开几个网页的话，就要等成半日。。。。。。试过拨号上网的朋友就知道果种滋味啦！！！）于是我在等打开网页的时候就顺便打开埋网易163的聊天室呢个网页，进入到0757呢个房间，去睇下有无识得的人响里面吹水。就系呢个时候，我见到有一个叫“miumiu”呢称的，我觉得几好听，（系未有D似猫叫的声音呢？）就主动聊距讲话！~后来我问距挪左QQ号码。又加左距！
以后一连几日上网，我都见到距！一开始的时候，我地谈得很投契，天南地北的文化特产，学习，生活，等等我们都谈。临下线时，我两互相交换了E-mail地址，家的电话，并约定下次上线的时间。
到第二天，离约定的时间还有一刻钟，我就迫不及待地打开电脑，驱“猫”上网。。。。。。约定的时间到了，啊娟的头像还没有“亮”起来。我这时候不只怎的，竟有一种“挂念”的感觉！巴不得立刻赶去啊娟家里，看到底发生什么事。。。。。。
----其实我“急”是多余的。约定的时间已经过去差不多一个多钟头啦~，而仲未见啊娟上线喔！！我预感到将会有事情发生。。。。。。
心急如焚的我再都呆不住啦，冲冲忙忙拨了啊娟的电话，但对方的电话响了好耐都无人接。衣家我越来越觉得有事发生啦~~！有咩理由她悟在家呢？悟通她悟舒服？定系悟想接我电话？我悟份气，隔几分钟就打一次电话比距。但仍然无人听。。。。。。当时我好迷茫，悟通网络真系人地所讲甘虚伪？？？我再都悟敢想落去。。。。。。果晚，我失眠啦。。。。。。
过左一日，当我上网打开QQ的时候，见到距寻晚凌晨1点几的留言：“寻日真系好对悟住啊，我有D急事出左去。。。。。。”我不禁激动起来：对住显示器屏幕里的字大声喊：“无关系！！！”~~
当我沉浸响悲喜交加之中的时候，啊娟上线啦，我迫不及待甘发左一条信息比距，距好快就回左我信息。~以下系我同距的对话，我复制下来:
^_^→华锋← ：你好啊，寻日好忙啊？
miumiu：寻日？
^_^→华锋← ：系啊，做乜失约呢？
miumiu：吾好意思啊，寻日我有D悟舒服去左医院睇医生，迟左返黎啊~~！sorry啊~~
^_^→华锋← ：无关系啦~~！不过我在网上“一日悟见如隔3秋甘罗！！！
miumiu：系未真噶？？？有D悟信哦！！！！！！！！！！
^_^→华锋← ：梗系真啦，仲真过珍珠啊！！
miumiu ：搞到我好感动啊~！
^_^→华锋← ：啊，系呢，我地倾左甘耐我都未听过你把声添，突然间好想听下你把声啊！！！
miumiu ：等阵我落线你就打电话比我系啦~！不过我现在要查D资料，等下我落先叫你，吾倾住先啦~！！我要专心找资料，做作业要用啊~！
^_^→华锋← ：一言为定！？
miumiu：系啦，你坏啊你~！！！888888888
^_^→华锋← ： 88
当时我好开心啊，距肯比我打电话比距。我真系好盼望时间过得快D啊！甘我就可以快D听到距把声啦~，想起都兴奋！！！
第一次通电话
时间一分一秒甘过去，我盼啊盼啊，等到颈都快长啦！就响我万分焦急的时候，啊娟发信息比我啦，话距衣家就落线啦，要打一个电话先，叫我等距5分钟喔。“哦！”我好快复左距，距个头像暗左啦,我都跟住落左线，等时间打电话比距。五分钟好快过左去啦,我急忙抓起电话，拨她的号码。。。。。。呢个时候我仲我隐隐约约记得我当时只手悟知点解颤抖起来啦。。。。。。悟知距把声系点咖呢？电话好快接通左啦，以下系我同距的对话[A系我 B系啊娟]
B：喂~~~~
A：喂，你好啊 ，悟该帮我叫啊娟听电话啊。
B：我就系，你系。。。。。。？
A：你估下？
B：呵呵（笑）吾使估啦，你系吾系啊锋呢？
A：。。。哈哈，你估中啦，但系无奖！~！
B：。。。。。。
就甘样，我地东扯西扯，天南地北甘倾起黎啦！我偶尔开一些玩笑来做弄一下她。。。。。。
我觉得同距讲话好轻松，无忧无虑甘咖，系一种咩感觉?一种酸酸噶感觉？我好难描述出来啊~！恕我能力有限！！希望大家吾好见怪先好啊！（响呢度我有必要向大家交代一下我打通电话噶心情：当打通左距电话之后，个心仆仆系甘死跳，[我想如果当时有个血压计量住我的血压咖话，个血压计一定超出量程切底报废啦！^_^ ！] 话说我听到对方伶起话筒发出“喂”一声时，我零零利利听到一把好熟悉咖声音，好柔，好添，好似蜜糖般噶；好听极啦！！！^_^~~~好似在边曾经听过甘。衣家再仔细甘想一下，哦。啊娟把声真系好似我一个小学同学哦~！（如果我悟系后来打电话去果个同学屋企倾过计问过，我真系仲以为系果个同学在玩紧我添。）仲有就系啊娟讲话噶语气好怪，每当距讲完一句话噶时候，总会“嘻嘻嘻”甘笑。一睇距就系一个乐观噶女仔啦！！^_^！！）
我们响电话里无所讲，甚至连距平时每一个月有几多零用钱都同我讲埋。（呵呵，当然我自己噶隐私都毫无保留甘同距讲啦！）到最后，距话以后可能好少时间上网啦，因为升到高三之后功课就忙好多，连星期六，日都要补课。我听到之后心情好hurt，好似好悟舍得甘。。。。。。也许我想得太多。。。。。。
一连几日，我上网都碰悟到啊娟。我好迷茫，好似独自一个人在冰封雪地里踏着茫茫的积雪赶路甘，毫无依靠。。。。。。
同病相连
有一日，我因为做错左一D小事，无缘无故比老妈子闹左一餐，搞到中午饭都无食，比人闹我当然好hurt啦。但我系个乐观主义者，比我一个人静下好快就无事咖啦。突然间，“铃铃铃---”电话响起啦，我拿起话筒，原来系啊娟打黎咖。[A系我， B系啊娟]以下系我同距噶对话:
A：有咩事啊，啊娟?
B：无咩事啊，我呢家打电话黎会悟会阻住你呢？
A：当然悟会啦，不过听你把声好似变左咖，好似喊过甘噶？
B：。。。你真会关心人。
A：系边个整喊左你啊？话比我听！
B：无啊，刚才我无端端比人闹，我觉得好委屈啊。。。
[讲到呢度，距把声细左好多，仲好似“跳碟”甘添，断断续续甘。]我想距呢家一定在电话那边偷偷檫眼睛！
A：正傻猪黎咖，悟好喊，有事慢慢讲！
B：[声音嘶哑]。。。。。。
A：我地真系“同病相连”啦，我今日又系学似你甘无那那比人闹左一餐，搞到中午饭都无食。。。。。。
俗话讲得好，同病相怜的人谈话系会好有默契的，因为距地双方可以相互鼓励，安慰。。。。。。自从果次之后，我地都常常互相打电话聊天，有时上网上到两三点先落线训觉。
好快开学啦，啊娟比我早十几日番学，她升高三之后当然忙好多啦。不过我们时不时都有上下网，打下电话甘。每缝节日，我们都会互相祝福，互相鼓励。
就甘样，光阴似箭，日月如梳，好快又一年啦~！啊娟果然系叻女，经过距一年的努力，中山大学化学系噶录取通知书寄到左距府上。我们仍然继续保持联络！（虽然我地认识左一年几，也生活在同一个城市，电话也倾过N次啦，但我要提醒各位噶系：我地仍然未见过对方。）但可以肯定噶系：我地双方一年多噶“感情积累”，使我们两彼此都不能失去对方！
好快我两都开学啦，我几乎天天都泡在学校的电教室里上网，而啊娟也一样。有时，我地上完网返到宿舍仲要倾电话。我试过同距倾到张电话卡无晒钱啦，距又用距张卡打返转头。。。。。。搞到我宿舍D契弟成日都将我当做笑柄，话我响外面收埋条女喔。我梗系悟人咖，但距地马上“群起而功之”，搞到我有口难言，惨！！！
第一次见面，一齐坐车返屋企
恩，日子一日日甘过去，好快到周末啦。我打算今个星期番屋企，啊娟打电话黎我宿舍啦，问我今个星期番吾番屋企喔，我话：“番啊，甘岩噶，不如一齐坐车番佛山啊！不过我要6点钟先放学啊，果科好重要咖，我吾能够逃课。”距话：“好啊，我地今日4点钟就下课啦，有两个钟噶时间，我在宿舍等你。你坐车黎到中大北门然后打电话黎我宿舍，我马上下来等你。”我问距：“甘我点认你啊？我又未见过你，不如甘啦，我手伶一本解剖书（我系读医学咖）响中大北门果个公交车站等你。好么？”距话“恩，就甘啦。我今日穿浅红色衫，牛仔裤。我等你啦~！”（果时候我地两个人都仲未有手机）
讲起解剖课，教我地解剖科系暨南大学噶一个老教授。距讲野带一口浓浓噶乡下口音，语气抑扬顿挫，好搞笑。大家都好尊重距，所以距讲课“出勤率”系好高噶。就算自己睇书都可以睇得明噶，都会去听距噶课，距“面”真系好大！但我今日同啊娟约左见面，就搞到上距噶课都无乜心机啦。用“人在心不在”黎形容我就最合适不过啦！^_^！~~吾容易涯到下课，我马上伶起书包“着草”走佬啦~！一阵小跑到饭堂前面果个公交总站，跳上车，个心早就“飞”到中大北门去啦！！~
司机大概已经食饱饭啦，将车开得蜗牛一样慢。（因为我觉得广州市噶一部分公交车司机系“车手”黎咖，距地会在车丛里左穿右插，飞车速度惊人，简直同已故的“亚洲飞人”--柯受良有得比美啊~！！怕怕啦~！！^_^！）我暗暗骂司机，好似要同我作对甘哦，明知我要赶时间哦~！
华灯初上，广州市噶景色真系好正啊！`~高楼大厦顶上射灯噶光射进珠江水面上，从桥上睇落去果种感觉真系好正！~车过左珠江到左河南，好快就到中大北门站啦。。。。。。我就快可以见到啊娟啦~！想起都开心啊！^_^
车刚停稳，我就迫不及待甘跳落车，从书包挪出准备好噶解剖书出来。。。（啊，吾知啊娟见到解剖书里果D死尸图片会吾会吓一跳呢？）林下林下，突然间有个女孩从背后轻轻拍了一下我噶肩膀。“我等左你好耐啦，不过悟敢肯定果个人系你，所以我要睇定D先，睇清楚系未解剖书先，悟系认左左就淤死人啦~！走啦！”我仲傻呼呼甘呆左起来，眼前呢个女孩就系我朝思幕想噶啊娟啊，真系同我想象之中有D悟同！！（我从同距倾电话同上网噶语气想像距应该系一个比较成熟噶人）无想到距竟然系一张娃娃脸！！带一副金丝眼镜！睇起来边个都保证悟相信距系读紧大学~！（用“娇小玲珑”黎形容距真系一D都吾过分！）但距身高黎到我下巴，据我估计应该系1米55甘上下啦，乌黑披肩噶头发。（不过我睇真D，距有几条头发染左黄色，衣家D女仔都兴染头发！^_^！）
“行啦，你仲憋居居甘企系度做咩啊？我带你去中大果条食街食野~！”距说话像连珠炮一样。。。等我回过神黎，距向我扮左个鬼脸，就小跑在我前面。我立刻追上去同距并肩一齐走。。。。。。
恩，响度我又想交代下中大过条“食街”啦。虽然规模悟系好大，但系里面噶野真系应有尽有，（真系麻雀虽小，但五藏俱全啊！！）想食咩就有咩食：面，粉，肠粉，粥，饭，甚至连西餐，火锅都有得食。。。。。。仲要有辣有悟辣添~！！如果你悟肚饿，但见到人地食得津津有味搞到心郁郁，口水流噶话，你都可以食D街头小食：牛杂，臭豆腐。。。。。。（虽然我觉得呢D野悟系几卫生，但响状元坊果D臭豆腐又悟系大把人食！！！搞到我想起都流晒口水添~！）刨冰，糖水，生果。。。。。。都有！
话说我地两个人走入食街，稳左间店坐落黎。距话我知呢间店噶肠粉好好食咖，距仲日日都系呢度食早餐添~！见距讲到呢度D肠粉天上有地上无甘，我梗系叫左碟肠粉试下啦。恩，真系好好食，果种滋味真系好难形容出来！反正我就从来未食过甘噶肠粉就系啦，用“美味”两个字形容我想仲未得~！不过我能力有限啦。林悟到仲有咩黎形容啦。。。。。。
食完野，时间都悟早啦，我地决定马上坐车返佛山。
275路车上，人好多，不过仲有位坐。我同啊娟坐左在靠后门果排位。呢个时候，我发觉前面果排位有个女仔成日望住我，仲捂住嘴偷笑添。我好奇怪，呢个女仔点解甘熟面口呢？但我一时又想悟起系边个，有一点值得肯定噶系，我肯定见过距！！呢个时候，有人从后面排左我一下我肩膀！我吓左一跳！扭头一望，哦！甘岩咖，撞到我高中时候噶同学喔：
A：鸭嘴兽（我同学个花名个个都系甘叫距咖啦！！！），乜甘岩咖？你又返屋企啊 ？
B ：呵呵，真系岩啦，我都系返屋企啊~！”（望住我同啊娟）
A：好似前面个女仔甘似猫玲（又系我一个同学噶花名）甘咖？
B：摆明就系距啦，你悟认得距咩？？
呢个时候前面果个女仔伶转头过黎啦，
C：好啊你，连我都悟认得，仲话系F （friend）添，衣家居然悟认得我添,巴闭啦~。。。。。。
第一次同网友见面，就比朋友撞到正，搞到我无晒意见~！好彩距地无问我坐响身边个女仔系边个咋，悟系就更加尴尬啦~！衣家林返起黎真系险过剃头！！！
|
|