|
发信人: fengarea(风域·ZERO) 整理人: haganedsa469x(2004-01-09 06:21:52), 站内信件 |
| 我接触肥姨係SS年代开始，係师傅带我去既，师傅话，拿，以后买机玩机黎呢度啦。
果时个铺头响七中对面横路度，比较细，堆满模型，但里面有夹层，有好多小朋友租机玩。 跟住后来就成日去果度买碟，最记得买咗一套精装版高达W VCD（好似二十几蚊一张）。 无耐，肥姨搬迁，搬咗去教堂果个斜坡，继续去果度买碟，主要係SS碟同动画片。 师傅将佢台SS传授咗俾我之后仲买咗几张记忆卡。去整过一次SS光头。 跟住好似肥姨又搬咗一次翻去横路。 然后就搬咗去依家果个窦口啦。果时大约係初三毕业到高一之间。 先係买咗台PS，（好似係响佢未搬之前买，唔係记得好清楚啦），跟住买咗大量PS碟，记忆卡，外置，游戏攻略。同埋好多动画片。 游戏王时代（高2高3）成日去抽卡，俾佢昆咗好多好多钱！ 不过有次好似圣诞前后，去完教堂礼拜之后响佢度抽卡，连续抽到两张贵野。都咪话唔神啊。 感觉高中果段时间係响佢度消费最多既时间。 后来我开始读大学，台PS玩残咗，送咗俾人，自己买过台PS ONE配个VGA BOX返学校玩。然后就少咗去，因为学校响珠海，不过都有时翻去揾佢买D游戏杂志攻略。 之后响佢度买咗台PS2，又开始频繁光顾去买碟同攻略。 感觉肥姨俾人感觉都几好，对D熟客好鬼好，几关心D小朋友。 有次听见佢问个细路佢阿爷住院出咗院未，仲有少少感动添。 当然其实肥姨都几奸，明明好鬼赚就话赚好微或者无得赚唔肯降价。 同佢讲价都真係比较难，最常用对白：“见你咁熟先俾咁便你嘎咋，真係无得赚嘎啦。”不过有时佢心虚可以睇佢眼神睇到，呵呵…… 我都唔会好计较一蚊几毫，所以都无乜所谓。 基本係咁，过几日考完试可能又会再去佢度行下买几张碟。 ---- 
欢迎光临RPG角色扮演 
|
|
[关闭][返回] |