|
发信人: david_w(Michael Wu) 整理人: yh-feng(2004-02-25 11:52:38), 站内信件 |
| 【 在 yh-feng 的大作中提到：】
:虽然爆左机～～但系唔明距讲勿？？之前有个前作都玩过，系讲凯恩都色拉樊王打过～输左～～报仇～～又嬴左！！饮魂者同凯恩咩关系？？点解搞成甘（肉体支离破碎）？？ :天使首领卑边个控制左？？果只大眼触手怪咩嚟？？啊.........头都大晒！！ :...... ER...我睇唔嗮啲英文,但大概係咁嘅:饮魂者实际上係凯恩手中嘅剑,但之前饮魂者係凯恩军队入面嘅大将军,后来唔觉意喺凯恩面前展开咗佢对翅膀,就畀凯恩踢咗落地狱,虽然佢又冇死到,但就冇咗对翅膀同肉体,所以就返嚟报仇,同时又要进行复兴吸血鬼时代嘅任务(啫係抢返凯恩用紧嘅大天使心脏令大天使复活). 饮魂者係纯种吸血鬼,凯恩应该係啲教徒用纯种吸血鬼(好似嗰只吸血鬼就係大天使...)心脏嚟代替人类心脏嘅第一只由人变成嘅吸血鬼,但唔知点解当佢冇咗吸血鬼心脏后仲唔死得,呢个我都唔明... 唔知我有冇讲错,其实喺LOK入面啲壁画已经讲明咗凯恩同饮魂者嘅关系,认真睇理解下墙上面嘅画就大概可以明白故事讲紧咩了. Raziel同凯恩打之前,因为凯恩喺第二次同大祭祀讲嘢(嗰度可以睇到远处嘅七条柱)同埋研究壁画时已经悟出某啲原因,而且同Raziel嘅对话中,凯恩对Raziel嘅憎恨显然已经消失咗,佢同Raziel嘈,就係想令Raziel冷静,解决问题,避免再发生冲突,令预言再次成真,但始终都做唔到. 而Raziel通过对吸血鬼长老嘅对话,得到嘅信息同凯恩完全唔同,净係知要揾返大天使嘅心,复兴吸血鬼时代,到最后喺个教主度得知凯恩嘅心脏就係大天使嘅心脏,所以雪上加霜,一定要杀咗凯恩. 到最后可能两人嘅剑发生共鸣之类嘅现象,产生咗一个时空廊,佢哋两个都好惊奇(但我真係整知佢哋明白咗咩),后来Raziel衬机抢返大天使嘅心脏,凯恩势估唔到会咁,所以好愕然...... 至于色拉樊王嘅事我就冇点研究了,总之凯恩就同佢有仇啦 "最奇怪就系，系距面前张开翅膀就要入地狱？？？"最后呢个问题你就谂下了,凯恩係皇帝,Raziel差唔多算係功高盖主嗰种角色,仲要凯恩係人类变吸血鬼,Raziel係纯种噃,有一日唔觉做咗啲凯恩最避忌嘅嘢,就係张开翅膀,咁佢仲唔死,至于佢点畀凯恩折断翅膀,自己睇片头动画啦,嗰度交代咗. PS:呢啲纯粹係我自己嘅见解, 我更未睇过原著,有出入嘅地方见谅...... ----  
 |
|
[关闭][返回] |