|
发信人: qdanger(蛋白质女孩) 整理人: g_w_g(2003-11-09 03:51:47), 站内信件 |
寻晚同小蝙蝠去中信嘅‘食养坊’食完嘢，原本念住去BLENZ COFFEE（百怡咖啡——一间奇似星巴克嘅coffee shop）睇下，但係女人嘅本性令到我哋都係上咗二楼行街。 係WEEKEND买咗一件喽之后，我哋行落一楼，来到著名嘅M记隔离果个门口，呢个时候，小蝙蝠话：不如我们去那间××咖啡精品店看看吧？（我已经唔记得咗果间嘢个名了）跟住，我先至留意到原来就係近大门嘅地方有间咖啡精品店啵。 店面唔算大，但係拉得比较长，有一半係买同咖啡啊、茶啊有关嘅嘢，中间有个小柜卖香水，隔住咗另一半卖闪闪凌头夹嘅陈列柜。 睇咗下d香水，都係赠品装（15～25不等）同试用装（5ml，50～100不等），全部係法国香水，应该係坚嘢呱～～ 跟住睇手动磨豆机，有三种，400几、600几同800几，600几係日本产嘅，做工都颇精细，反而800几果只有d似平嘢。仲有一部好似船舵咁款嘅磨豆机（maya有部近似嘅），我冇问价钱，估计都不菲嘎啦。 有细盒嘅果茶卖，係欧洲进口嘅，10g度，都几十蚊嘎。普通嘅花茶亦有，小蝙蝠问咗一包薰衣草茶，大概又係10g度，要20蚊。真係颇贵啊。 最后睇咗下d豆，有蓝山、摩卡、哥伦比亚、巴西、曼特宁。d豆都ok啦，蓝山d豆睇落比较靓，冇问价钱。买豆送磨粉。仲有包装好嘅，老板娘话係响台湾包装嘅，亦都冇问价钱。因为我估都唔会平嘎啦。 有兴趣嘅朋友都可以去睇睇嘅，但係唔推荐大家买，一来係价钱太高，二来係货样唔多，冇得拣择。豆嘅话可以买来试试嘅。。。。。 ---- 姓名：蛋蛋 家庭住址：遗忘的角落 属性：角落板斧，光棍一族板斧 爱好：咖啡文化 蛋蛋有礼了。。。 
|
|
[关闭][返回] |