|
发信人: ericbee(摇摇乐) 整理人: to_rain(2002-08-29 02:30:27), 站内信件 |
| 琴日一在就俾人卖猪仔卖咗过东莞,晚黑九点几先返到广州!
未到屋企就收到WATER短讯话去平安唱K,我问佢有冇靓女到咖?条S仔点都唔肯讲 (依家谂返有原因嘅)佢叫我CALL教主,话今晚去蒲!返到屋企仲要係门口等妈咪等 咗半个钟(没带钥匙-_-)上网一睇见到有啲嘢啵,啦啦淋CALL细细问清情况,跟住 就洗个白白换件衫就冲出门了,嗰时都十点几啦! 去到见到主角教主,KENNY,神神,新手同细细係树~台面有支掀你死(唔係芝华士 啊!新手有误)见到啲歌好有问题----旧歌,惨歌啊!!!再望过去,教主同KENNY唱到 上晒身,好霖嗰只啰! 暂停:饮啖茶先~~~ 一坐落就同新手玩起色中,条友的确唔多掂俾我劈到佢乜咁(以至后来失态,呢样 嘢新手没讲错,呵呵~~)!见佢饮咗唔少,就停抵了.过咗去同细细玩!严重声明啊 ~~~~我边有一路输,至少都係我赢6输4啦~~~ 呢个时候啲仲经典嘅歌就慢慢蒲头了,一个咪霸---教主,剩一支我哋三个男嘅挣. 新手挣唔过我哋就一于抹大喉咙自唱! 成晚女士都没点唱,细细好似都开过声,神神就......你就唔啱啦! 当教主唱到好入心入肺嗰时~神神仲将啲灯熄埋,话教主你即管喊出嚟啦! 劈咗咁耐了,又叫多支芝华士!其间WATER係我死催烂磨之下终于到咗!仲带多两条 女嚟!想知最精彩嗰PART等我听日有胸再写啊!!! 大家俾啲掌声啦~~~~~ ---- .gif)
同你签个名啦  |
|
[关闭][返回] |