|
发信人: liying3987(ソソツヲヴ) 整理人: siren(2002-01-26 23:23:05), 站内信件 |
| 人氣 No1 ：《千與千尋》
入場人數超過 2,000萬、以 270億日圓打破《鐵達尼號》神話《千與千尋》， 由今年年頭宣布暑假上映以一直成為大眾談論焦點，見報次數不下千次，關連 商品又大賣特賣，淨係套《 Film Comic》系列已經賣出超過 300萬本，論人 氣仲有邊個夠佢爭？ 同年敵手冇得比 《 A.I.》：收 97億日圓 《珍珠港》：收 67億日圓 《沉默的殺機》：收 46億日圓 人氣 No2：小泉純一郎 將橋本龍太郎、森喜朗執政時代納悶政治舞台扭轉過來小泉純一郎，其大膽 政治手腕深得日本國民支持，加上作風親民又風趣幽默，作為一個政治人物，佢 人氣深入各階層，已經成為一位政治明星。 小泉戰績跨 5界 電視界 國會現場直播收視由森喜朗時代 1%躍升至 7.6%。 互聯網 220件 Mail Magazine登錄，為歷代首相初舉。 出版界 日本史上首位首相出寫真集，銷量達 20萬本，媲美一級水女。 音樂界 推出「小泉選曲貓王精選集」，銷量打入 Oricon十大位置。 精品界 推出自民黨海報 105萬張、小泉電話繩 28萬條、小泉 Tee 5萬件，木村都唔知 有冇咁勁。 人氣 No3： Universal Studio Japan 本年日本最具話題性主題公園，由 3月 31日開幕至今，入場遊客已超過 800萬 人次，火速成為關西地區重點旅遊區，連 JR西日本電視廣告亦曾推出《 Universal Studio Japan編》隆重其事。 USJ開幕不足兩個月，已經因入場人 數太多而要實施入場限制； 6月時，它更徇眾要求陸續推出 Handy Book、 Official Video Guide及 Sound Track Collection，令日本陷入一遍 USJ熱 。 USJ 5大人氣景點 1： Universal Monster Live Rock'in Roll Show 同班怪獸一齊開 P，好 High。 2： Water World 開 Show前 30分鐘排隊入場就冇死。 3： Back To The Future The Ride 8個人坐埋一架車交錯時空，夠過癮。 4： Monster Make-Up 怪獸玩特技化妝，仲唔被佢嚇死？ 5： Terminator 2:3D 睇見 G2000打極唔死，溶完又好番，視覺效果一流。 入場費： 大人（中學生以上）： 5,500日圓 小童（ 4歲至小學生）： 3,700日圓 長者（ 65歲以上）： 4,800日圓 人氣 No4 ：鈴木一郎（ Ichiro） 日本史上戰績最彪炳、人氣最勁國際級棒球手，只要賽事有佢分，已經去美 國 Mariners搵食，並取得美國棒球聯賽 MVP同新人王兩個殊榮 Ichiro，仲 被日本政府頒發「國民榮譽獎」，不過佢竟然以自己太過年輕（ 28歲）為由， 成為首位連「國民榮譽獎」都唔日本人，小泉首相唯有打圓場：「佢接唔接 受呢個獎都會咁活躍。」 Ichiro狂破美國佬紀錄 項目 舊紀錄 新紀錄 Major新人最多安打 233（ 1911年） 242 League最多單打 187（ 1985年） 192 出席最多球隊 Multi-hit比賽 65（ 1996年） 75 球隊新人連續比賽安打 12（ 1983年） 23 球隊新人最多盜壘 21（ 1984年） 53 球隊新人最多得點 85（ 1977年） 127 球隊最多壘打 282（ 1984年） 316 League新人最多打數 684（ 1997年） 692 人氣 No5 ：雅子王妃 日本最受國民愛戴王妃，由於其生育問題牽涉到日本要否改皇位繼承憲法問題 ，一直成為日本人焦點。 12月 1日，萬眾期待皇種終於誕生，雖然係 BB女， 繼承憲法問題又有得拗，不過佢帶經濟刺激竟高達 600幾億日圓，對疲弱 日本經濟講簡直係久逢甘露。 雅子王妃人氣之「道」 86年：雅子西班牙女王歡迎會上邂逅皇太子，由於外貌舉止大方得體，已被日 本國民及皇族認定。後來雅子雖然留學英國，不過同皇太子依然熱愛未減，至 92年雅子便歸國同皇太子重聚。 93年：皇太子大婚，沿途 19萬人祝福。 93-00年：夫婦 2人經常以平民裝扮行山，舉止親民友善，贏得百姓好感。 00年 雅子一度宣布懷孕，國民一度欣喜若狂，可惜最後流產收場。 01年： 3月尾雅子夢熊有兆，至 5月正式宣布有喜，成為日本經濟低迷中一個大好消息。 01年 12月：小公主愛子出世，出院時新宿街道聚集 3,500人沿途祝福。 人氣 No6 ：飯島愛 日本 AV女優「洗底」表表者。告別 AV界之後愛姐本來只係做下主持人，不過今 年年初佢推出自傳《 Platonic Sex》，大爆自己墮落經過，其露骨題材捲起飯 島愛旋風，自傳本身大賣 170萬之外，更被改編成日劇、電影，成為新一代女性 典範，更係唔少 AV姊妹人生目標。 人氣 No7 ： Chemistry 《 Asayan》出身 R&B2人組，本年最受歡迎新人組合，由 3月至今雖然只推出過 3張細碟及 1張大碟，每張都能登上 Oricon冠軍位置，總銷售成績更高達 28億 4千萬日圓，除成為本年新人王之外，亦更新已經保持 8年男性歌手唱片銷 售成績。 人氣 No8 ：濱崎步 濱崎步由 98年加入樂壇至今走勢依然強勁，雖則比起往年唔算有乜大躍進，精選 大碟銷量亦不敵宇多田光，但唱片銷售總金額則反勝光妹，以 243億 8,000萬日圓 ，成為首位日本歌手連續兩年唱片銷售金額超過 200億日圓，加上今年音樂同扮 靚方面成 20個獎項，又自爆戀情，曝光率同話題性仍然十足。 人氣 No9 ：漥塚洋介 年頭接竹野內豐棒做 JAL代言人、年中接拍日韓合作電影《 Go》、年尾宣布同常 盤貴子合演日劇，漥塚洋介毋疑係今年最矚目男優，最佳指標就係贏「石原裕次 郎新人賞」。呢個獎係日本藝能界最具代表性獎項之一，已經懸空 7年，上一個 得獎者正是萬人迷木村拓哉。漥塚取得此獎後，仲唔打低瀧澤秀明做「木村接班人」？ 人氣 No10 ：井川遙 本年雜誌封面登場次數高達 120次水天后， 13萬本《月刊井川遙》一日即被 搶購一空，可惜井川已經宣布告別水進軍做女優，令唔少麻甩仔 /佬大表心痛。 暫時井川有 7份廣告合約手，又有兩套電影埋緊尾。不過冇水包裝井川， 唔知出年個勢仲有冇咁勁呢？ ----  |
|
[关闭][返回] |