发信人: zb_yuan(甲甴㊣ @ 深圳)
整理人: becky_lang(2002-09-01 22:01:57), 站内信件
|
据我研究所得, 朋友可以分成9等, 如果你全部
拥有尼9等朋友, 你嘅人生将会精彩万分. 第一
等嘅朋友可遇而不可求, 比中六合彩更难.
第9等 - 点头只交: 见左面基本上只会打打招呼,
你剩系记得对方个英文名或者名, 而记唔到对方
嘅全名.
第8等 - 酒肉朋友: 有得玩一定预埋你份, 系因
为大家有共同屠好玩起上嚟特别高兴, 如一齐去
唱K , 打麻将, 抽机, 但系等对方折堕时, 互相
都唔愿多睇对方一眼, 最怕对方问你借钱.
第7等 - 儿时友伴: 多数系你上幼儿园, 小学同
学, 或者已搬离嘅隔离屋, 重游旧地时会谂翻起
对方, 或者偶然响街上撞到, 交换下电话再联络,
但系始终都系各有各路.
第6等 - 普通朋友: 可以系你嘅隔离屋, 同学,
同事, 见左面会闲话家常, 讲讲自己嘅近况, 但
系太私人嘅问题都系唔会讲嘅.
第5等 - 情同手足: 日常起居饮食都有你尼位朋
友份, 大时大节都肯定要同对方一齐度过, 少左
对方就少左好多欢乐.
第4等 - 出生入死嘅战友: 尼个战友可以系同你
一齐应付考试(一起偷睇)嘅同学, 可以系同你一
齐沟女同埋一齐比女飞嘅好朋友, 可以系同你一
齐见大客嘅好同事, 可以系同你一齐患上重病,
对抗病魔嘅好"病友", 总之你地一齐参与过一项
或者多项对你地人生有举足轻重嘅活动, 不过会
有同你一齐竞争嘅心态.
第3等 - 知己知彼: 你会同对方讲悄悄话, 将自
己暗恋嘅人, 理想都同对方讲晒, 大家都系大家
嘅精神支柱, 可以唔经常见面, 但系一见面就有
讲唔完嘅话题. 不过对方太了解你啦, 对你嘅弱
点了如指掌, 万一攻击你, 你就会体无完肤.
第2等 - 君子之交: 君子之交虽然淡入水, 可以
用一生嘅时间去交往, 因为见面少, 冲突都少D
一声慰问, 一个祝福已经心领神会, 感情会更加
长久.
第1等 - 生死之交: 面临生死关头, 你同你个朋
友都愿意用自己嘅性命去换取对方嘅性命, 人生
有D咁样嘅朋友, 先叫做"不枉此生"啊 !!
----
我係壹個光頭穿耳窿有TATTOO嘅大肥仔----曱甴 |
|