|
发信人: fengarea(风域·ZERO) 整理人: haganedsa469x(2004-07-26 00:26:33), 站内信件 |
| 玩左两日几鱼仔，係时候发表下感受啦～
首先讲下优点： 最大优点就係创意啦。毕竟PS玩黎玩去都係果几种游戏，响大家都有少少闷既时候，出个奇特D既野可以刺激一下市道。 开发係SCE＋SAGA WOW，班底应该一流嘎拉。不过总体感觉游戏素质唔算顶级。 游戏性尚算可以，操作都几易上手，而且不乏挑战性。 有唔少隐藏要素，满足搜集狂要求。 由于中文化，方便国人，汉化版非常认真，官方汉化嘛～ 炎炎夏日，睇住条鱼响度游水玩水，都几解暑。 另外可以学到大量鱼类知识，增长见闻。 缺点： 由于游戏场景比较复杂，动作亦比较立体（上下左右前后全方位动作），因此视觉问题就在所难免嘎拉， 不过算处理得比较好嘎拉，一般情况下唔会有咩影响，但係往往响生死尤关既时候（同大鱼搏斗或者咬到鱼饵），由于动作比较大，视觉问题就显示得比较严重啦！有时去到视觉死位，完全睇唔到自己响边，做梗乜动作。好彩玩耐咗可以靠经验补救，例如咬饵可以用震动感觉渔线情况。 另外操作方面锁定系统係唔错，但系竟然无得更换目标（至少游戏里面无教到，我都试唔到有）！睇住面前一条鱼一个鱼饵，佢偏偏会自动锁定个鱼饵，搞到好多时非常唔爽！或者有我唔知啦。不过由于游戏难度唔算非常高，所以都唔会太大影响。 最后係游戏低龄向，对白故事都比较弱智，但系D人物性格又极度恶劣，见钱眼开既金鱼，一味点人做野既某几个角色，你帮唔到手就恶言相向，帮到就点头哈腰，极尽人性丑恶之能事。搞到感觉好怪。 另外呢个游戏有个好变态既地方，就係其实呢个游戏唔应该叫《鱼仔》，应该叫《大鳄》就差唔多。条鱼仔惊人既吃量暂且不提，经常可以将几陪于自己体积既生物生吞先至恐怖。咬力LV3以上就基本可以一次搞掂三条大吃人鱼或者大鳝鱼，都唔知呢条乜鱼仔黎既。咬力LV MAX果时分分种成只大笨象都可以生吞！ 不过好羡慕呢条鱼，各国海鲜美味全部试晒，做鱼做着佢咁，真系几世修行罗～ 总体黎讲，《鱼仔》都係一只适合假期消遣既唔错既游戏。 ---- 欢迎光临RPG角色扮演 
|
|
[关闭][返回] |